Փրկարարներն ավտոմեքենաներ են դուրս բերել արգելափակումից
ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը փետրվարի 5-ին, ժամը 15:35-ին ահազանգ է ստացել, որ Արագածոտնի մարզի «Տառերի պուրակ» կոչվող հատվածից դեպի Բյուրական գյուղ տանող ավտոճանապարհին ավտոմեքենա է արգելափակվել ձյան մեջ. անհրաժեշտ է փրկարարների օգնությունը:
Դեպքի վայր է մեկնել ԱԻՆ փրկարար ծառայության մարզային ճգնաժամային կառավարման կենտրոնի օպերատիվ խումբը:
Ինչպես «Արմենպրես»-ը տեղեկացավ նախարարության տեղեկատվության և հասարակայնության հետ կապերի վարչությունից, փրկարարներն արգելափակումից դուրս են բերել «Volkswagen» մակնիշի ավտոմեքենան (վարորդ՝ Ս. Ղ. և 1 ուղևոր):
Փտրվարի 5-ին, ժամը 03:38-ին «911» ծառայությունն ահազանգ է ստացել, որ Երևան քաղաքի Գյուլբենկյան փողոցի թիվ 31ա շենքի մոտակայքում գտնվող ավտոմեքենան հետևի անիվներով հայտնվել է փոսի մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Փրկարարները «Mercedes» մակնիշի ավտոմեքենան դուրս են բերել փոսից:
Բաժանորդագրվեք մեր ալիքին Telegram-ում