«Համաձայն եմ մասնագետների հետ՝ Ռուսաստանը սպասում էր, որ ավելի բազմաբևեռ խորհրդարան ենք ունենալու, և հետևաբար իր ազդեցության հնարավորությունները ավելի շատ են լինելու»,- «Առաջին լրատվական»-ի հետ զրույցում ասաց քաղաքագետ Ռոբերտ Ղևոնդյանը՝ անդրադառնալով այն հարցին, թե ինչո՞ւ Պուտինը մինչ այս պահը չի շնորհավորել վարչապետ Նիկոլ Փաշինյանին։
Շարունակելով իր միտքը՝ Ղևոնդյանը նշեց. «Հայաստանում Ռուսաստանի ավանդական գործընկերը՝ Հանրապետական կուսակցությունը, չհաղթահարեց ԱԺ մտնելու համար պահանջվող հինգ տոկոսը, և դա բնականաբար Ռուսաստանի համար վատ նորություն էր»։
Ինչ վերաբերում է ԲՀԿ-ին, ապա մեր զրուցակցի կարծիքով՝ Գագիկ Ծառուկյանն ավելի մտերիմ հարաբերություններ ունի Բելառուսի նախագահ Լուկաշենկոյի, քան Պուտինի հետ. «Իսկ Լուկաշենկոն հենց այնպես իր միջնորդական գործունեությունը չի իրականացնելու։ «Դիալոգ» կազմակերպության նախագահ Յուրի Նավոյանը նշել է, որ վարչապետի ընտրությունից հետո Ռուսաստանի նախագահի շնորհավորանքը չի ուշանա, բայց, այդուհանդերձ, Ռուսաստանի նախագահը 2017-ին հենց հաջորդ օրը շնորհավորել էր Սերժ Սարգսյանին»։
Հարցազրույցն ամբողջությամբ՝ տեսանյութում:
