Ճանապարհ փակած եղվարդցիները հաղթեցին երգ ու պարով /տեսանյութ/
Այսօր, կեսօրին Եղվարդ քաղաքի բնակիչները փակեցին Եղվարդ-Երևան գլխավոր ճանապարհը: Եղվարդցիները փաստում են, որ արդեն 5 օր չի գործում Եղվարդ-Երևան 269 համարի միակ երթուղին: Եղվարդի բնակիչ Հայկազ Նիկողոսյանը Henaran.am-ի թղթակցի հետ զրույցում հայտնեց, որ իրենց պահանջը չկատարելու դեպքում պատրաստվում են ավելի կտրուկ քայլերի անցնել.«Եղվարդի բնակչությունը պահանջում է բացել գիծը: Սա առաջին դեպքը չի: Ինչքան Երևանում ցույց լինի մեր տրանսպորտը չի աշխատում: Դրան զուգահեռ միանում ենք Փաշինյանի շարժմանը` դեմ ենք Սերժին»:
Դեպքի վայրում էր նաև Եղվարդի փոխքաղաքապետ Կարեն Հարությունյանը, ով նշեց` ջանքեր են գարծադրվում բնակչության տեղաշարժը շուտափույթ ապահովելու ուղղությամբ:
Եղվարդցիները զուռնա, դհոլով էին փակել ճանապարհը: Նրանք երգում և պարում էին:
Ավելի ուշ ժամանաց առաջին երթուղայինը: Ցուցարարներին հայտնեցին, որ 5 օր երթևեկությունը կլինի անվճար:
Մանրամասները` տեսանյութով:
