«Բարսելոնայի» տեխնիկական տնօրեն Էրիկ Աբիդալը խոսել է կատալոնական ակումբի տրանսֆերային քաղաքականության մասին։
«Պետք է հասկանալ և հարմարվել այս կազմի պահանջներին, այն պետք է զորեղ լինի։ Գլխավոր մարզիչն է որոշումներ կայացնում։ Իհարկե, ակումբում կա բաժին, որը զբաղվում է ֆուտբոլիստների տեղափոխություններով։ «Բարսելոնան» ադապտացվում է ժամանակակից տրանսֆերային շուկային»,- «Բարսելոնայի» ու Ֆրանսիայի հավաքականի նախկին պաշտպանի խոսքը մեջբերում է Marca-ն։
Հիշեցնենք, որ օրերս Մյունխենի «Բավարիայից» «Բարսելոնա» տեղափոխվեց չիլիացի կիսապաշտպան Արտուրո Վիդալը, որի տրանսֆերը գնահատվում է 20-25 միլիոն եվրո:
Հետևեք NEWS.am SPORT-ին Facebook-ում, Twitter և Telegram-ում