Շանթ Հարությունյան. Բա քո բարոյականությունն ո՞ւր մնաց
«Հայաստանի բոլոր ղեկավարները Մոսկվայի դրածոներն են եղել: Ռուսները դնում են իրենց դրածոներին, որպեսզի սպասարկեն իրենց շահերը»,- լրագրողների հետ հանդիպմանն ասաց «Ցեղակրոն» կուսակցության նախագահ Շանթ Հարությունյանը:
Նրա խոսքով, ռուսները, ինչպես 1921 թվականին փետրվարին արեցին՝ հրահում էին ձերբակալություններ, ներքին քաոսներ, անկայունություն, այնպես էլ հիմա, «որ էլի հայերի շահերը զոհաբերեն թուրք-ադրեբաջանական ու ռուսական դաշինքին»:
Շ. Հարությունյանի խոսքով, Ղարաբաղի խնդիրն հօգուտ Հայաստանի և արդարացի լուծում կստանա միայն այն դեպքում, եթե Լենին-Քեմալ պայմանագիրը չեղյալ անեն:
Նա կարծում է, որ վարչապետ Նիկոլ Փաշինյանը սխալ է անում, որ ՀՀ երկրորդ նախագահ Ռոբերտ Քոչարյանին բանտում է պահում:
«Որպես հայ մարդ՝ ինձ համար ամոթ է, երբ Փաշինյանին ասում են Խաչատուրովին բաց թողեցիր, ասում է՝ Լուկանշենկոն ու Նազարբաևը միջնորդեցին, ես միանում եմ միջնորդությանը, բա չասե՞մ՝ այ սրիկա, Քոչարյանի համար էլ միացիր Բակո Սահակյանին ու Արկադի Ղուկասյանին: Էդ էլ քո միջնորդությունն արա, ասա՝ Քոչարյային էլ ես եմ ազատում: Ինչի՞ Նազարբաևը և Լուկաշենկոն կարողանում են քո երկրում մարդ ազատեն, դու միանում ես իրանց, բայց քո ղարաբաղցի ղեկավարությանը չես միանում: Բա քո բարոյականությունն ո՞ւր մնաց»,-նշեց նա:
Շ. Հարությունյանն ասաց, որ պետք է փոխվի Ռ. Քոչարյանի խափանման միջոցը, բայց քննությունը շարունակվի:
«Ցեղակրոն» կուսակցության նախագահի խոսքով, Հայաստանում իշխանափոխությունից հետո որևէ բան չի փոխվել:
«Նիկոլ Փաշինյանը քաղաքականությունից այնքան է հասկանում, ինչքան կարող է հասկանալ կենսաբանությունից կամ ռադիոֆիզիկայից: Մի օր իրեն հարցրեք ռադիոֆիզիկայից: Եթե կարողանա պատասխանել, իմացեք այդքան քաղաքականություն է հասկանում: Կառավարման մեթոդով մյուս ղեկավարներին մի քիչ գերազանցում էր Քոչարյանը: Ռուսները վստահում են նրան, եթե պետք է Հայաստանը ռուսական գոտի մնա, գուցե Քոչարյանն ամենահարմարը լինի: Ես չգիտեն: Բայց դեմ եմ իրենց բոլորին»,- նշեց նա:
Շանթ Հարությունյանը պատմեց, թե ինչ է խոսել Ն. Փաշինյանի հետ բանտից. «Ես մի անգամ, որ բանտից զանգեցի Նիկոլ Փաշինյանին, ասել եմ. «Նիկոլ, ես չեմ կասկածում, որ փորձելու ես ներքին օրինականություն հաստատես, արդարադատություն անես: Բայց ես կարծում եմ, որ արտաքին քաղաքականությունը տապալելու ես, հատկապես Ղարաբաղի հարցը: Ասաց չէ Շանթ, որ դուրս գաս, քեզ մի բան կասեմ, բայց 10 տարի պետք է դաժե Շահենիկին չասես: Ասացի՝ մի ասա, գիտեմ, գնացել ես Պուտինը քեզ ինչ է խոստացել, դու հավատում ես, Աստված տա դու ճիշտ լինես, ես չեմ հավատում ռուսներին»: Այդ խոսակցությունն է պատճառը, որ ես չեմ ուզում խոսել, որովհետև առ այսօր դեռ կարողացել է այդ վտանգի դեմ… ինքն է առել, ով է առել, չգիտեմ»:
Հարակից հրապարակումներ`
- Շանթ Հարությունյանն ազատության մեջ է
- Շանթ Հարությունյանը խնդրել է պաշտպանին չդիմել դատարան
- Շանթ Հարությունյանին բանտից հանելու համար պետք է ուժային գործողություն ծավալել. վարչապետի թեկնածու
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին