BRAVO.am-ը ներկայացնում է, թե հայկական շոու-բիզնեսի որ ներկայացուցիչներին են ամենաշատն անդրադառնում մեդիայում եւ ինչ թեմաների շուրջ:
Մեդիամաքս մեդիա ընկերության ԶԼՄ-ների մոնիտորինգի, վերլուծության եւ գնահատման MaxMonitor համակարգի օգնությամբ պարզեցինք այն հայտնիներին, որոնք ամենաշատն են գտնվել լրատվամիջոցների ուշադրության կենտրոնում մայիս
ամսվա ընթացքում:
Մոտ 150 լրատվական կայքերի մայիս ամսվա դիտարկման արդյունքներով ամենից շատ հիշատակված հայտնիների եռյակն է՝
• Սիրուշո՝ 51 հիշատակում
• Նազենի Հովհաննիսյան՝ 42 հիշատակում
• Միհրան Ծառուկյան՝ 20 հիշատակում
Ներկայացնենք հիշատակումների հիմնական բովանդակությունը.
Մայիսին վարկանիշային ցուցակում առաջատարը կրկին Սիրուշոն է: Նախորդ ամիս երգչուհին իր YouTube-յան ալիքում կարճ հոլովակի միջոցով պատմեց «Body on Body» երգի երգի եւ տեսահոլովակի մասին, որում ներկայացավ ոճային կտրուկ փոփոխությամբ՝ կարճ մազերով: Սիրուշոն տեսանյութում անդրադարձել է նաեւ այդ շրջանում իր զգացողություններին, հանրության շրջանում տարածված խոսակցություններին, եւ ոչ միայն:
Մայիսին վերսկվեց Սիրուշոյի «Արմատ» հեռուստանախագիծը, որի շրջանակում նա ներկայացնում է իր շրջագայությունները եւ դրանց ժամանակ տեղի ունեցած կարեւոր հանդիպումները: Այս անգամ երգչուհին պատմեց նաեւ իր և Բելլա Քոչարյանի առաջին հանդիպման մասին:
Մայիսի 16-ին Սիրուշոյի որդին՝ Միքայելը, դարձավ 5 տարեկան: Երգչուհին շնորհավորական խոսքերով լուսանկար էր հրապարակել. «Babyyyy)) Happy B-Day )) I love you a googolplex and more»:
View this post on Instagram
Նախորդ ամսվանից լայն տարածում գտավ Սիրուշոյի «Body on Body» երգի ներքո պարային թրենդի հոլովակը:
View this post on Instagram
Մեր վարկանիշային ցուցակի երկրորդ հորիզոնականում արդեն երկար ժամանակ Նազենի Հովհաննիսյանն է: Ինչպես յուրաքանչյուր սրտացավ քաղաքացի, դերասանուհին եւս չի կարողանում անտարբեր մնալ իր շուրջը կատարվող իրադարձություններին:
Նա իր մտորումներն ու հայացքներն արտահայտում է գրառումների միջոցով, որոնք հաճախ ուղեկցում են գեղեցիկ լուսանկարներով:
View this post on Instagram
«Հայի խաչը ծանր է, երբեմն անմարսելի ծանր. սիրով ու միմյանց օգնելով պիտի տանենք մեր խաչը», «Ինձ իսկապես կներեք, որ այդպես էլ չսովորեցի լինել անտարբեր, մնալ անմասն ու չբարկանալ, երբ ինչ-որ բան էնպես չի..., իսկ շատ բան էնպես չի...», «Բոլորս էլ ճոճվող «կամրջի» վրա ենք: Միակ ուժը, որով կկարողանանք ինքնակազմակերպվել, հենց մենք ենք՝ իրար ձեռք բռնած: Պիտի անցնենք կամ ընկնենք»:
Նազենի Հովհաննիսյանը հետեւորդներին հուզել է հոր հիշատակին նվիրված գրառմամբ.«.... Հայրս մահացավ 2 տարի առաջ. լավ է, որ գոնե չտեսավ Արցախի կորուստը: Կներես, որ չհասցրի քեզ գրկել. ինձ չեմ կարողանում ներել»:
View this post on Instagram
Վերջին օրերի ահասարսուռ տեսարանների մասին խոսելիս Նազենին ցավով նկատել է, որ «ողջերը «մեռած են», հերոսներն՝ անթաղ»: Դերասանուհին վստահ է, որ մեղավորները համարժեք պատիժ կստանան, իսկ պատմության մեջ կմնան՝ որպես դավաճաններ:
Երկարատեւ դադարից հետո վարկանիշային ցուցակում կրկին արական սեռի ներկայացուցիչ ունենք: Այս անգամ երրորդը Միհրան Ծառուկյանն է: Երգչի որդին մայիսի 4-ին դարձավ 10 ամսական: Միհրանն ու Արփին լուսանկար են հրապարակել՝ «Իմ 10 ամսական մեծ տղա» գրառմամբ:
Մայիսի 28-ին նախատեսվում էր Միհրան Ծառուկյանի համերգը, սակայն երգիչն իր միկրոբլոգում տեսանյութ է հրապարակել, որում տեղեկացրել է, որ համերգը տեղի չի ունենա՝ երկրում ստեղծված իրավիճակից ելնելով:
View this post on Instagram
«Թող աշխարհի բոլոր երեխաները ապրեն խաղաղ երկնքի տակ», - Երեխաների պաշտպանության միջազգային օրն իր հրապարակած լուսանկարին կից գրել է Միհրանը:
BRAVO.am
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: