ՄԻՊ-ի վերահսկողության ներքո է Արմեն Բիլյանի և Սմբատ Բարսեղյանի առողջական վիճակի հետ կապված հարցերը
ԵՐԵՎԱՆ, 11 ԴԵԿՏՄԵԲԵՐԻ, ԱՐՄԵՊՐԵՍ: Մարդու իրավունքների պաշտպանի աշխատանքային խումբը պարբերաբար չհայտարարված այցելություններ է կատարելու «Նուբարաշեն» քրեակատարողական հիմնարկ` պարզելու Ոստիկանության ՊՊԾ գնդի գործով մեղադրվող Արմեն Բիլյանի և Սմբատ Բարսեղյանի առողջական վիճակի հետ կապված հարցերը: «Արմենպրես»-ի հաղորդմամբ` դեկտեմբերի 11-ին ՄԻՊ-ի գրասենյակում այս մասին ասաց Մարդու իրավունքների պաշտպան Արման Թաթոյանը:
«ՄԻՊ-ի անմիջական վերահսկողության և ուշադրության ներքո է գտնվելու այդ խնդիրը: Աշխատանքային խումբը հատուկ հանձնարարություն ունի՝ պարզելու Արմեն Բիլյանի և Սմբատ Բարսեղյանի առողջական վիճակի կապված հարցերը: Այս պահին Մարդու իրավունքների պաշտպանի աշխատակազմի խնդիրը և մեր իրավասության շրջանակներում է` հետևել, որպեսզի քրեակատարողական հիմնարկում Արմեն Բիլյանի և Սմբատ Բարսեղյանի նկատմամբ վերաբերմունքը լինի օրենքի պահանջներին համապատասխան»-, նշեց Թաթոյանը:
Մարդու իրավունքների պաշտպանի որոշմամբ հոգեբանից, բժշկից և իրավաբանից կազմված աշխատանքային խումբը hունվարի 10-ի երեկոյան չհայտարարված այց է կատարել «Նուբարաշեն» քրեակատարողական հիմնարկ՝ տեսակցելու Արայիկ Խանդոյանին, Արմեն Բիլյանին և Սմբատ Բարսեղյանին։ Այցի ընթացքում, առաձնազրույցներից բացի, հերթական անգամ ուսումնասիրվել են նրանց պահման պայմաններն ու բժշկական փաստաթղթերը:
Բաժանորդագրվեք մեր ալիքին Telegram-ում