«Շիրակ»-ը երկու նոր պաշտպան ունի
12:56, 23 Փետրվար 2021
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Գյումրու «Շիրակ» ֆուտբոլային ակումբը նոր համալրումներ ունի թիմի կազմում:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: «Շիրակ»-ին են միացել Հայաստանի Ազգային հավաքականի 31-ամյա կենտրոնական պաշտպան Հայկ Իշխանյանը և 24-ամյա աջ-պաշտպան Ռոբերտ Հակոբյանը: Թիմի կազմում Հայկը հանդես է գալու 89-համարի մարզաշապիկով, իսկ Ռոբերտը 2:
Հայաստանի ֆուտբոլի առաջնության ընթացիկ մրցաշրջանում «Շիրակ»-ը մրցաշարային աղյուսակում զբաղեցնում է նախավերջին հորիզոնականը: Թիմն ունի ընդամենը 5 միավոր: Իսկ առաջատարները` «Արարատ»-ը և «Արարատ-Արմենիա»-ն ունեն 21-ական միավոր:
Բաժանորդագրվեք մեր ալիքին Telegram-ում