Արագածոտնի մարզի Նոր Ամանոս գյուղի դաշտում արկ է հայտնաբերվել
21:59, 24 Մայիս 2018
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը մայիսի 24-ին, ժամը 12:07-ին տեղեկություն է ստացել, որ քաղաքացին Արագածոտնի մարզի Նոր Ամանոս գյուղի դաշտամիջյան հատվածում գտել է արկանման առարկա:
Դեպքի վայր է մեկնել ՀՀ ԱԻՆ ՓԾ մարզային փրկարարական վարչության օպերատիվ խումբը:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, փրկարարները կորոզիայի ենթարկված արկը հանձնել են ՀՀ ՊՆ թիվ N զորամասի սակրավորական խմբին:
Բաժանորդագրվեք մեր ալիքին Telegram-ում