ՀՀ տարածքում երկրաշարժ չի սպասվում. ԱԻՆ-ը հերքում է համացանցում շրջանառվող լուրերը
09:56, 10 Հունվար 2019
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը հերքում է ՀՀ տարածքում ուժեղ երկրաշարժի մասին համացանցում տարածվող տեղեկությունը:
«Արմենպրես»-ի հաղորդմամբ, այդ կապակցությամբ նախարարությունը հայտարարություն է տարածել:
«Համացանցում լուրեր են շրջանառվում, իբր ուժեղ երկրաշարժ է սպասվում Հայաստանի տարածքում: ՀՀ ԱԻՆ սեյսմիկ պաշտպանության տարածքային ծառայությունը պաշտոնապես հայտարարում է, որ որևէ հիմք չկա նման տեղեկատվություն տարածելու համար: Այդպիսի լուրեր հաճախ են հայտնվում համացանցում՝ նպատակ հետապնդելով ստեղծել խուճապային տրամադրություններ»,-ասված է նախարարության հաղորդագրության մեջ:
Բաժանորդագրվեք մեր ալիքին Telegram-ում