Մենք հեղափոխությունից հետո նոր իրավիճակի մեջ ենք, իսկ նոր իրավիճակները երբեմն ստանդարտներից դուրս գալ է պահանջում։Լ Ես շատ ավելի վտանգավոր եմ համարում ընտրություններն ուշացնելը, քան որոշակի արագությամբ ընտրություններ անցկացնելը։ Այս մասին այսօր լրագրողների հետ զրույցում ասաց ԱԺ պատգամավոր Արամ Զավենի Սարգսյանը։
Նրա խոսքով՝ ճիշտ է արագությունն իր մեջ ունի որակի պակաս բայց դա ավելի քիչ վտանգավոր է, քանի որ ընտրությունների հետաձգումը Հայաստանի շահերից չի բխում։ Հարցին՝ ընտրությունները լեգիտիմության սահմաններում են, Արամ Սարգսյանը նշեց՝ «Վենետիկի հանձնաժողովն իր նորմերից չի շեղվում, ցանկացած պարագայում իրենց նման տեսակետ կհայտնեն, բայց դա չի նշանակում, որ իրենց համար ընդունելի կամ ընկալելի չի լինի»,- նշեց նա։
Երդվյալ ազատամարտիկների միության համագումարից հետո Արամ Սարգսյանն անդրադառնալով ԵԿՄ առաջիկա համագումարին ու խնդիրներին, ասաց՝ ԵԿՄ համագումարի ժամկետի որոշումը կախված է նրանից թե ԵԿՄ-ից հեռացած ջոկատները, ազատամարտիկները, որոնք առանձին միություններ, ՀԿ-ներ դարձան, ինչպիսի՞ հնարավորություններ կունենա համախմբվելու։
«Եղբայրս կարողացել է ազատամարտի բոլոր միություններն ու ջոկատները համախմբել, այսօրվա համագումարը ևս նրա նկարի ներքո էր անցնում։ Այստեղ՝ Երդվյալ ազատամարտիկների միությունում եղբայրս նույն չափ ընդունված է, ինչպես ԵԿՄ-ում։ Անվանումն էլ հենց եղբորս գրքի անվանում է։ Հակված եմ ամեն ինչ անելու, որ նորից հավաքվեն մի տան մեջ, որի անունն է ԵԿՄ։ Պետք է փորձենք միասնական, միակուռ նախկին նեղացվածությունը մի կողմ դնելու, նախկին քաղաքական ժամանակների թողած հետքը մի կողմ դնելու, առանց իրար մեղադրելու, իրար գործած սխալները ներելու առաջ գնալ ու ընտրել նախագահ»,- իր խոսքում ասաց Արամ Սարգսյանը։
Անդրադառնալով Սասուն Միքայելյանի թեկնածության մասին հարցին նշեց՝ Ազգային ժողովում նստում են իրար կողք են նստում, գործընկերներ են, ընկերներ են, 92 թվականից իրար գիտեն, երկրի առաջ լուրջ ծառայություն ունեցած մարդ է ու կարող է դառնալ ԵԿՄ նախագահ․«Այդտեղ որևէ խանդ նախանձ կամ այլ բան չկա։ Մարդիկ կարող են հետ գնալ, նորից միանալ ԵԿՄ-ին, իրենց թեկնածությունը դնել։ Ես այն ժամանակ էլ, երբ իմ համաձայնությունը տվեցի, ասեցի՝ շատ շնորհակալ եմ, որ ձեր մեջ ունենալով արժանի մարդիկ, ովքեր փառքով կարող էին այս գործը տանել, այդքանով հանդերձ ինձ եք տեսնում, ես չեմ կարող մերժել»։
Մանրամասները՝ տեսանյութում