Պուչդեմոնը Իսպանիայի իշխանություններին կոչ է արել թույլ տալ թագավորություն վերադառնալ:
Կատալոնիայի նախկին ղեկավար Կառլես Պուչդեմոնը Իսպանիայի իշխանություններին կոչ է արել թույլ տալ թագավորություն վերադառնալ ինքնավարության խորհրդարանի նստաշրջանի բացմանը, որը նախատեսված է հունվարի 23-ին, Ժեներալիտետի ղեկավարի պաշտոնը (շրջանի ինքնավար կառավարություն) զբաղեցնելու համար: Այս մասին նա ասել է Reuters-ին տված հարցազրույցում, որը հրապարակվել է դեկտեմբերի 23-ին:
«Ես կուզեի հենց հիմա ավերադառնալ: Դա Իսպանիայի համար լավ նորություն կլիներ»,- ասել է նա:
«Եթե ինձ թույլ չտան Ժեներալիտետի ղեկավարի պաշտոնը զբաղեցնել, ապա դա իսպանական ժողովրդավարական համակարգի կոպիտ խախտում կլինի: Ես տարածաշրջանային կառավարության ղեկավարն եմ եւ կմնամ այդ պաշտոնում, եթե պետությունը հարգի ընտրությունների արդյունքները»:
Նախօրեին Կատալոնիայում խորհրդարանական ընտրույթյուններ անցկացվեին, որի արդյուքնում հաղթանակ տարան Կատալոնիայի անկախությանն աջակցող քաղաքական ուժերը:
Մասնավորապես Պուչդեմոնի «Միասին հանուն Կատալոնիայի» կոալիցիան խորհրդարանում 34 տեղ է ստացել:
Հոկտեմբերի 1-ին Կատալոնիայում թագավորությունից դուրս գալու հարցով հանրաքվե տեղի ունեցավ: Մասնակիցների 90.18 տոկոսը անկախության օգտին քվեարկեց:
Մադրիդն այս հանրաքվեն անօրինական է համարում եւ հրաժարվում է ճանաչել դրա արդյունքները:
