Ջոկովիչն Ավստրալիայի բաց առաջնության եզրափակիչում է
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Սերբ թենիսիստ Նովակ Ջոկովիչը դուրս եկավ Ավստրալիայի բաց առաջնության եզրափակիչ:
«Արմենպրես»-ի հաղորդմամբ` Մելբուռնում ընթացող մրցաշարի տղամարդկանց կիսաեզրափակիչում մրցեցին աշխարհի 2-րդ և 3-րդ ռակետները` Նովակ Ջոկովիչը և Ռոջեր Ֆեդերերը: 2 ժամ 19 րոպե ձգված մրցախաղում Ջոկովիչը հաղթեց 7։6, 6։4, 6։3 հաշվով:
Կիսաեզրափակիչի մյուս զույգը կազմել են Դոմինիկ Տիմը Ավստրիայից և Ալեքսանդր Զվերևը Գերմանիայից: Եզրափակիչը կկայանա փետրվարի 2-ին:
Թենիսի «Մեծ սաղավարտի» այս տարվա առաջին մրցաշարի՝ Ավստրալիայի բաց առաջնության տղամարդկանց և կանանց մենախաղերին մասնակցում են 128-ական թենիսիստներ:Ավստրալական Մելբուռն քաղաքում ընթացող մրցաշարը տեղի է ունենում 107-րդ անգամ՝ 1905 թվականից: «Australian Open»-ի տղամարդկանց մենախաղի գործող չեմպիոնը Նովակ Ջոկովիչն է, իսկ կանանցը՝ Նաոմի Օսական:
Բաժանորդագրվեք մեր ալիքին Telegram-ում