Friday, 29 03 2024
Դիանա Գալոյանը նոր պաշտոն կստանա՞. «Հրապարակ»
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը

Ռոբերտ Քոչարյանը սպառնո՞ւմ է, թե՞ գերագնահատում իրեն

Ռոբերտ Քոչարյանի ազատության համար ստորագրած գործիչները, որոնք հանրությանը զգուշացնում էին, թե նրա անազատությունը լի է հայկական երկու պետությունների հանդեպ սպառնալիքով, այդպես էլ չեն հստակեցնում կամ մանրամասնում, թե ինչ սպառնալիքի մասին է խոսքը:

Օրինակ, դրա վերաբերյալ լրագրողների հարցին պատասխան տալու անկարող եղավ պաշտպանության նախկին նախարար Սեյրան Օհանյանը, ասելով, որ պետք է հարցնել մարդկանցից, ովքեր հայտարարել են այդ մասին: Այն, որ մարդիկ զբաղված են Ռոբերտ Քոչարյանին աջակցելով, պաշտպանելով, նրա ազատության համար պայքարով, դա, իհարկե, նրանց իրավունքն է, նրանց ընտրությունը, եթե անգամ այդ ընտրությունը կատարվում է ոչ թե գաղափարական, այլ շահադիտական նկատառումից ելնելով: Բայց այս դեպքում խոսքը լոկ պայքարի մասին չէ, որովհետև հանրությանը շատ ուղիղ ասվում է, որ Ռոբերտ Քոչարյանի անազատության մեջ գտնվելը Հայաստանի և Արցախի համար բերում է սպառնալիք: Ըստ այդմ` նույնքան ուղիղ պետք է ասվի, թե ինչ սպառնալիքի մասին է խոսքը, որպեսզի հանրությունը կարողանա այդ կոչը կամ հայտարարությունը գնահատել շատ հստակ և, ըստ այդմ, կողմնորոշվել՝ միանա՞լ երկրորդ նախագահի ազատության կոչերին, թե՞ հակառակը՝ չհավատալ դրանց: Որովհետև, այն, որ ժամանակակից աշխարհաքաղաքական միջավայրը, լինելով բավականին փոթորկուն, լի է մարտահրավերներով, ամենատարբեր բնույթի և տեսակի, անկանխատեսելի և գրեթե անկառավարելի, հայտնի է գործնականում բոլորին:

Միաժամանակ, այդպիսի միջավայր է ոչ միայն Հայաստանի համար, այլ նաև Հայաստանի շուրջ գտնվող գրեթե բոլոր երկրների: Յուրաքանչյուրի դեպքում մարտահրավերների, ռիսկերի, սպառնալիքների բնույթն անշուշտ տարբեր է, սակայն մեծ հաշվով բոլորն են գտնվում համաշխարհային թեժ վերափոխումների մթնոլորտի ուժեղ ճնշման ներքո, որում, օրինակ, Թուրքիան կարող է իր հասցեին լսել թիվ մեկ գերտերության նախագահի սպառնալիքը, որ կոչնչացնի և երկրի երեսից կջնջի Թուրքիայի տնտեսությունը:

Այդպիսով, ներկայիս աշխարհաքաղաքական միջավայրը սպառնալից և բարդ կանխատեսելի է բոլորի, ոչ միայն Հայաստանի համար: Իհարկե, դա ամենևին չի կարող լինել մխիթարվելու, կամ հանգստանալու առիթ, պատճառ կամ հիմնավորում: Իհարկե, մեզ պետք է հետաքրքրի այն, ինչ մեր համար է մարտահրավեր, ռիսկ կամ պոտենցիալ սպառնալիք: Բայց ամբողջ հարցն էլ հենց այն է, թե դրանցից ո՞ր մեկի հետ է Ռոբերտ Քոչարյանի կարգավիճակի ուղիղ կապը: Այսինքն՝ ո՞ր սպառնալիքն է, որ առկա է Ռոբերտ Քոչարյանի անազատության մեջ լինելով, և չեզոքանալու է՝ երբ Ռոբերտ Քոչարյանն ազատ արձակվի, և կամ դադարեցվի նրա հանդեպ իրավական գործընթացը: Այստեղ է, որ պահանջվում է շատ կոնկրետություն, այլապես առաջանում է այլ կողմ կամ համատեքստ՝ շանտաժ: Այսինքն՝ կամ խոսքը վերացական հռետորաբանության մասին է, կամ հնչում է սպառնալիք Հայաստանի հասցեին, և այդ դեպքում արդեն խնդիրը տեղափոխվում է այլ տիրույթ, որով կարող է առաջանալ իրավապահների ներգրավվածության անհրաժեշտություն, պարզելու համար, թե ի՞նչ կոնկրետ սպառնալիք գիտեն Ռոբերտ Քոչարյանի ազատության համար ստորագրողները, երբ սևով սպիտակի վրա կապում են այդ ազատությունն ու հայկական երկու պետությունների սպառնալիքները: Որովհետև, եթե խնդիրը ընդհանրապես միջավայրի մասին է, ապա առնվազն նախորդ տարիներին հստակ է եղել, որ Ռոբերտ Քոչարյանի ազատության մեջ լինելն ու ընդհանրապես որևէ իրավական գործընթացում չլինելը ամենևին չի չեզոքացրել Հայաստանի հանդեպ սպառնալիքները, ռիսկերը, որ Հայաստանին հետապնդում էին աշխարհաքաղաքական ոչ պակաս բարդ իրողություններում և հանգեցրին ապրիլյան քառօրյա ագրեսիայի: Այդ ժամանակ Ռոբերտ Քոչարյանը նույնիսկ Արցախ չայցելեց:

Հետևաբար, պետք է գոնե ցույց տալ կապը, թե ինչպես է Ռոբերտ Քոչարյանը գործնականում նպաստելու սպառնալիքները հաղթահարելուն: Բայց այստեղ, ըստ երևույթին, առաջանում է ամենաբարդն ու խնդրահարույցը: Սպառնալիքները կոնկրետ նկարագրելու համար, Ռոբերտ Քոչարյանը կամ նրա համակիրները, նրա ազատության համար ստորագրողները պետք է ստանձնեն ուժային տարբեր կենտրոնների վարքագծին շատ կոնկրետ գնահատական տալու պատասխանատվություն: Այդ թվում, օրինակ, Ռուսաստանին: Իսկ այդտեղ արդեն խնդիրը բարդանում է, ընդ որում՝ ոչ միայն ներկայի, այլ նաև հենց անցյալի իրողությունների համատեքստում: Թեև պետք չէ բացառել, որ Ռոբերտ Քոչարյանն իր համակիրների միջոցով հենց այդ մասին էլ ակնարկում է Ռուսաստանին, որի վարքագծից՝ իրեն պաշտպանելու հարցում, երկրորդ նախագահը դժգոհություն ցուցաբերում է արդեն մի քանի ամիս: Հնարավոր է, իհարկե, երկրորդ նախագահի դերի գերագնահատման ասպեկտը, որը դրսևորվեց, օրինակ, նաև նրա հայտարարությամբ, թե իր չլինելու դեպքում ադրբեջանցիները թեյ կխմեին Ստեփանակերտում: Այստեղ արդեն, իհարկե, քաղաքականությունը տեղը զիջում է հոգեբանությանը:

Լուսանկարը՝ Photolure-ի

Բաժիններ
Ուղիղ
Լրահոս
Որոնում