Thursday, 28 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Ավելորդ թավիշ է տիրում. Արամ Մանուկյան

«Առաջին լրատվական»-ի զրուցակիցն է ՀԱԿ փոխնախագահ Արամ Մանուկյանը:

– Հարգելի՛ Մանուկյան, արդյո՞ք Սահմանադրական դատարանի շուրջ ստեղծված ճգնաժամը հաղթահարված է այն օրենքի փոփոխությամբ, որն այսօր ստորագրեց ԱԺ նախագահը:

– Մենք դժգոհ ենք տեմպից, թափից, ուշացումից, մշտապես ասել ենք, և դա աշխարհի ադաթն է, ցանկացած հեղափոխությունից հետո ցանկացած նոր իշխանություն ունի մեկուկես, առավելագույնը երկու տարի՝ լուրջ, ցավոտ, համարձակ ռեֆորմներ իրականացնելու համար: Երբ որ ուշացնում ես, դա դառնում է տասնապատիկ, հարյուրապատիկ ավելի դժվար: Նիկոլ Փաշինյանը մեկ-երկու տարի առաջ հարյուրապատիկ ավելի ուժեղ էր ռեֆորմներ անելու համար, քան հիմա:

– Հիմա ի՞նչն է խանգարում:

– Մաշվում է այն հույսը, այն հավատը, այն աջակցությունը, որը քեզ տալիս է ալիքի վրա գտնվող ժողովուրդը, երբ ժողովուրդը իշխանություններին սիրահարված վիճակում է, պետք է ռեֆորմներ արվեն, և դրանցից են սահմանադրական ռեֆորմը, Սահմանադրության փոփոխությունը, վեթինգը:

– Կոպիտ սխալների, սայթաքելու ռիսկեր ու վտանգներ չկային:

– Կոպիտ սխալ է նաև այն, որ այս ռեֆորմները ժամանակի մեջ չեն, ժամանակից հետ ընկած են: Այսօր անվերահսկելի է բամբասանքը, կեղծիքի տարածումը, ատելության մթնոլորտ է ստեղծվել, քաղաքացուն, երկիրը շփոթեցնում են կեղծ լուրերով՝ էլ կորոնավիրուսի հետ կապված, էլ պատերազմի հետ կապված, էլ Մարտի 1-ի հետ կապված:

– Դա երևի ազատության պտուղներից է նաև:

– Ազատությունն ամենևին չի ասում ամենուրեք կեղծիք տարածիր… Օրինակ՝ փաստաբանը, երբ Մարտի 1-ի զոհերին համեմատում է կորոնավիրուսի հետևանքով մահացածների հետ, և ասում է, որ այն իշխանությունը, որի մեղքով 1000 զոհ կա կորոնավիրուսից, իրավունք չունի խոսել Մարտի 1-ի մասին, ես համարում եմ, որ նա ծախված է, ազնիվ չէ, կեղտոտ խնդիր է լուծում: Եվ սա եզակի դեպք չէ, «Ֆեյսբուքը», մամուլը լցված են այսպիսի բաներով… Պատերազմական վիճակում, երբ ունենք երկու վտանգ՝ ներքին՝ կորոնավիրուս, և արտաքին՝ սահմանամերձ խնդիրներ, պետք է կեղծիքը կանխարգելող կանոններ գործեն, դաշտային կանոններ պետք է աշխատեն… Մարտ ամսից ՀԱԿ-ը որոշել է զերծ մնալ քննադատությունից, թեև ասելիքը շատ է իշխանության թերացումների և ուշացումների մասին, բայց այս պահին ավելի կարևոր է համաճարակը հաղթահարելու խնդիրը, նաև դրսից եկած վտանգների հետևանքով առաջացած վիճակը կարգավորելու խնդիրը: Դրա համար պետք է քաղաքացի լինել, պետք չէ քաղաքական գործիչ կամ կուսակցական լինել, գիտես, որ երկիրդ ծանր ճգնաժամի մեջ է, անգամ չսիրելով ու չընդունելով այս իշխանությանը, քննադատելով նրա արածները, այնուամենայնիվ, պետք է ցանկանալ, որ այս իրավիճակից պլյուսով դուրս գանք, ես կամենում եմ, որ այս իշխանությունը հաջողի:

– Ընդհանուր առմամբ, ով ինչ է փնտրում ձեր նշած մթնոլորտում:

– Ցավում եմ, որ բոլոր ճանապարհները տանում են դեպի նախկին իշխանությունները և նրանց փողերը. այս փաստաբանները, լրատվամիջոցները անբարոյական խոպանի դաշտում են հայտնվել, խոպան են անում, վճարողը կա, թեման կա, իրենք էլ մտածում են՝ շնից մազ պոկելը քյար է: Վերջերս անբարոյականության մրցույթ է. ով ինչքան կարող է շատ կեղծիք ու սուտ է տարածում: Կորոնավիրուսի ի հայտ գալու սկզբնական փուլում բարոյականության դրսևորումներ եղան, նույնիսկ հումոր, ֆեյսբուքյան անեկդոտներ, իրար աջակցել…

– Անգամ եղան քաղաքական խոստովանություններ ձեր նշած շրջանակներից, որ պետք է կանգ առնել և սպասել՝ ինչով կավարտվի այս ամենը մեր ժողովրդի, մեր պետության համար:

– Բայց այս փուլում ոչ ազնիվ մրցապայքար է, փող աշխատելու համար նենգ քայլեր են անում, և այդ ամենը հարամում է միջավայրը, թուլացնում է քաղաքացուն: Տասից ութը կարող է իմանա, թե այդ ամենն ինչի համար է՝ լափ են տվել, ուտում է ու իրենց ուզածն է երգում, բայց երկուսը հավատում է նրանց, եթե անգամ տասից մեկն էլ հավատա, ուրեմն իրենք արդյունք են տալիս, և, իշխանությո՛ւն ջան, դու կթուլանաս, ռեֆորմներ չես կարող անել:

– Այդպես ասողների մեջ կան մարդիկ, որոնց հետ դուք աշխատել եք:

– Ինչ կապ ունի, այո՛, շատ կան մարդիկ, որոնք բարձր պաշտոններ են ունեցել, հեղինակություն են եղել, բայց այսօր հանկարծ հայտնվել են մի տեղ, որտեղ նվաստանում են, այդ ինչքան են իջել, ամոթ է:

– Այսպիսով՝ ի՞նչ տպավորություն է թողնում ներքաղաքական մթնոլորտը և կարևո՞ր է՝ ով է դերակատարը:

– Ես կարծում եմ՝ ավելորդ թավիշ է տիրում, որը նույնիսկ բերում-հասցնում է ազգային անվտանգության խնդրի: Դատարանների խայտառակ վիճակը, դատավորներին չպատժելը, քննիչներին չվերահսկելը, դատական ամբողջ խառնաշփոթը, որ ստեղծվել է երկրում, վնասում է այն քննիչի աշխատանքը, որ ուզում է գործ անել, այն հետաքննիչի աշխատանքը, որը դատարանին նյութ է տալիս. դատարանին նյութ է տալիս, դատարանը ջրում է այդ նյութերը: Գոնե ես տվել եմ այն պատգամավորների ցուցակը, որոնք մեղք են գործել պատմության առաջ, հանցագործություն են կատարել, հինգ-վեց տարով դատել են անմեղ մարդկանց, և այդ մարդիկ այսօր մարդկանց ճակատագիր են որոշում: Իշխանություններին ասում ենք՝ պարտադիր չէ մեր ունեցած ցուցակի բոլոր 47 մարդուն էլ դատել… Ուզո՞ւմ եք համակարգդ նորմալ աշխատի, գոնե հինգին պատժեք, տեսեք մնացած 42-ը թաթիկները պարզած խելոք չե՞ն աշխատելու: Մամուլում տիրող այլանդակությունների համար կարո՞ղ եք երկուսին բացահայտ կեղծիք տարածելու համար հոդվածի տակ դնել: Ես ասում եմ՝ օրենքը պահիր, և եթե լրագրողը դիտավորյալ և նպատակային կեղծիք է տարածում, հոդվածի տակ մտցրու, պատժի ենթարկի, որպեսզի մյուս բոլոր լրագրողները տեսնեն, որ օրենքն աշխատում է, և փողով կեղծիք տարածելը վտանգավոր է: Մենք, իրավիճակից ելնելով, զուսպ ենք, հավասարակշիռ ենք, բայց ուզում ենք, որ օրենքը պաշտպանվի, պաշտպանվեն հեղափոխության արժեքները, վնասազերծվեն նրանք, ովքեր ռեալ վտանգ են հեղափոխության արժեքները ոչնչացնելու համար. սա է մեր ուզածը:

 

Հարցազրույցն ամբողջությամբ՝ տեսանյութում:

Բաժիններ
Ուղիղ
Լրահոս
Որոնում