Առաջիկայում ՀՀ վարչապետ Նիկոլ Փաշինյանը կմեկնին Մոսկվա եւ հանդիպում կունենա ՌԴ նախագահ Վլադիմիր Պուտինի հետ: Այս մասին այսօր՝ սեպտեմբերի 2-ին Նիկոլ Փաշինյանն ասաց ֆեյսբուքյան ուղիղ եթերում:
«Առաջիկայում ես կմեկնեմ Մոսկվա, կհանդիպեմ Վլադիմիր Պուտինի հետ: Դա կլինի իմ երրորդ այցը: Բազմաթիվ հարցեր կքննարկենք: Չեմ ասում, որ բոլոր հարցերը լուծված են, բայց մեր համագործակցությունը շարունակվում է եւ համոզված եմ, որ բնականոն կերպով կշարունակվի»,- ասաց Փաշինյանը:
Ինչ վերաբերում է հայ-ռուսական հարաբերություններին. «Վերջին շրջանում շատ է խոսվում հայ-ռուսական հարաբերությունների մասին, բայց այսօրվա իրավիճակը համարում եմ մի աշխատանքային գործընթաց, որը բնականոն ընթանում է: Մենք շարունակում ենք շփումները տարբեր մակարդակներում»:
