Երևան-Արմավիր ճանապարհին ՃՏՊ է գրանցվել. կա տուժած
21:40, 23 Հոկտեմբեր 2017
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարություն հոկտեմբերի 23-ին՝ ժամը 18:41-ին, տեղեկություն է ստացվել, որ Արմավիրի մարզի Արշալույս գյուղի մոտակայքում տեղի է ունեցել ՃՏՊ՝ հրդեհի բռնկմամբ, կա տուժած. անհրաժեշտ է փրկարարների օգնությունը:
Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել մեկ մարտական հաշվարկ:
Պարզվել է, որ Մ-5 ավտոճանապարհի Երևան-Արմավիր հատվածի 23-րդ կմ-ին բախվել են «Nissan Altima» մակնիշի 22 UT 454 (վարորդ՝ 1961 թ. ծնված Վ. Հ.) և «ՎԱԶ-2106» մակնիշի 34 UF 820 (վարորդ՝ 1960 թ. ծնված Վ. Ն.) պետհամարանիշերով ավտոմեքենաները. «Nissan Altima» մակնիշի ավտոմեքենան բռնկվել է:
Հրդեհը մեկուսացվել է ժամը 18:52-ին, մարվել՝ 19:02-ին: Ավտոմեքենան ամբողջությամբ այրվել է:
Փրկարարները «ՎԱԶ-2106» մակնիշի ավտոմեքենայի վարորդին մոտեցրել են շտապօգնության ավտոմեքենային, ով հոսպիտալացվել է Էջմիածնի ԲԿ, որտեղ մահացել է:
Բաժանորդագրվեք մեր ալիքին Telegram-ում