Friday, 29 03 2024
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին

Լիբանանում ապոկալիպտիկ, դժոխային վիճակ է, բայց մենք կհաղթահարենք համահայկական ուժերով. Հակոբ Բագրատունի

«Առաջին լրատվական»-ի զրուցակիցն է Լիբանանի խորհրդարանի դաշնակցական պատգամավոր Հակոբ Բագրատունին:

– Ինչպիսի՞ն է հիմա իրավիճակը Բեյրութում, որքանո՞վ է տուժել Հայաստանի դեսպանությունը, ընդհանրապես, ինչքա՞ն հայեր են տուժել հզոր պայթյունից:

– Դժբախտաբար, տեղի ունեցած աղետն իր տարողությամբ Լիբանանի պատերազմի օրերին համարժեք աղետ է, որը համազոր է Ռիխտերի սանդղակով 4,5 բալ ուժգնության երկրաշարժի: Ցավոք, պետք է ասեմ, որ Բեյրութի արվարձաններում, որտեղ մեծ թվով հայ բնակիչներ ունենք, ահռելի կերպով վնասվել են: Այս պահի դրությամբ ունենք 250 վիրավոր, 11 նահատակ: Մեր բոլոր կրթական, եկեղեցական, բարեսիրական, կուսակցական, մարզական, մշակութային միությունների կառույցները մեծ վնասներ են կրել: Հայերի բնակարանները ահռելի կերպով քանդված են, այն աստիճան, որ տնազուրկ հայեր կան, որոնց պարտավոր ենք ապահովել կեցությամբ: Մեծ վնասներ ունենք Բուրջ Համուդի շրջանի և Բեյրութի թաղամասերում՝ նյութական իմաստով: Լիբանանի հայությունը մեծ դժվարությունների մեջ է այսօր: Հայաստանի դեսպանությունը մեծ վնասներ է ստացել՝ թեև պայթյունի վայրից բավական հեռու է: Ներկայումս կարող եմ ասել, որ դեռ շոկի մեջ ենք տեղի ունեցածից, որովհետև բնակարան չկա, որ չի վնասվել, ընտանիք չկա, որ վնասներ չի կրել: Հիմա քննարկում ենք մեր հնարավորությունները, թե ինչպես պետք է կարողանանք հաղթահարել այս կացությունը: Պետք է ճշտենք մարդկանց կարիքները, մոտ ժամանակներս կսկսենք վնասների գնահատումը: Բնականաբար, այս ամենի մեջ Լիբանանի հայությունը միայնակ չի մնա: Որպեսզի Լիբանանի հայությունը դարձյալ ոտքի կանգնի, դրա համար համահայկական զորակցության կարիքը կա: Ակնկալում ենք, խնդրում ենք, պահանջում ենք, որ սա համայն հայության համար ճակատագրական խնդիր դառնա: Այնտեղ, որտեղ հայի սիրտ է բաբախում, այն պետք է այս պահին բաբախի Լիբանանի հայության համար:

– Ի՞նչ ակնկալիքներ ունեք Հայաստանի իշխանություններից, ինչի՞ կարիք կա այս փուլում, քանի լիբանանահայեր կան, որ հիմա ուզում են տեղափոխվել Հայաստան:

– Նախ ասեմ, որ Լիբանանում Հայաստանի դեսպան պարոն Աթաբեկյանի հետ ես տևական կապի մեջ եմ և տեղյակ եմ, որ իր միջոցով հանրապետության նախագահության հետ կապ է հաստատվել: Այն պետական օժանդակությունը, որ պետք է գա Հայաստանի Հանրապետությունից, պետք է անցնի Լիբանանի պետության ճանապարհով: Ինչ վերաբերում է լիբանանահայերի՝ Հայաստան տեղափոխվելուն, ապա, նախ ասեմ, որ այստեղ խուճապային իրավիճակ չկա: Հասկանալի է, որ ամենասխալն այն կլինի, եթե նման որոշումները կայացվեն խուճապային տրամադրությունների ազդեցության տակ: Այս պահին մենք չենք քննարկել Հայաստան տեղափոխվելու այն հնարավորությունները: Իհարկե, անհատ մարդիկ կարող են լինել, որ ուզում են տեղափոխվել Հայաստան, բայց այս պահին հիմնականը լիբանանահայությանը այստեղ ամուր պահելն է, իսկ Հայաստան տեղափոխման մասին կարելի է խոսել ավելի հանդարտ ժամանակներում: Այսինքն՝ մենք չենք ուզում կրկնվեն այն դժվարությունները, որոնք այլ համայնքների դեպքում եղան: Եթե անհատները այդ հնարավորությունն ունեն, կարող են գնալ Հայաստան, և եթե Հայաստանում հայրենադարձներին վերաբերող օժանդակություններ կան, կարելի է նրանց տալ: Այսօր ես ենթադրում եմ, որ Հայաստանն էլ ի վիճակի չէ նման ծրագրերի մասին խոսելու: Կարող են այդպիսի նպատակներ, կարգախոսներ լինել, սակայն այսօր մեր առջև հիմնականում դրված է լիբանանահայությանը Լիբանանի մեջ ամուր պահելու խնդիրը:

– Այսինքն՝ ոչ թե Հայաստան տեղափոխվելու խնդիր է դրված, այլ հենց Լիբանանում ամուր ու կենսունակ լինելո՞ւ:

– Անշուշտ, որովհետև, վերջին հաշվով, Հայաստանի համար հարստություն է նաև կենսունակ լիբանանահայություն ունենալը:

– Իսկ դեռ հաշվարկներ չկա՞ն, թե հայ համայնքը որքան է տուժել:

– Ներկա փուլում շատ դժվար է հստակ ասել, թե որքան է տուժել, որովհետև դեռ պետք է ձևավորվեն հանձնախմբեր, որոնք այդ գնահատականներով կզբաղվեն: Ես օրինակ ասեմ, մեկ քմ ապակին այսօր մեկ մլն լիբանանյան ոսկի արժի, այսինքն՝ շուրջ 125 դոլար: Այս պահին խոսում են բազմահարյուր հազար քմ ապակու անհրաժեշտության մասին: Դե պատկերացրեք, թե որքան մեծ են վնասները, չհաշված ապրանքների, բնակարանների, կահ-կարասիների, տների ու խանութների վնասները: Երբ նավահանգիստը հարված ստացավ, նավահանգստում ամբարված բոլոր ապրանքները այլևս անօգտագործելի են՝ պարենից, ցորենից սկսած մինչև առօրյա կարիքներին ուղղված ապրանքները:

Սարսափելի վիճակ է այսօր: Ես որ պատերազմի օրեր եմ ապրել, պետք է ասեմ, որ նախորդ օրվա պատահածը անկրկնելի է, նման բան Լիբանանում երբեք տեղի չի ունեցել: Նույնիսկ այն ժամանակ, երբ Լիբանանի նախկին վարչապետի ահաբեկումը տեղի ունեցավ, վնասներն այսպիսին չէին: Աներևակայելի կացություն է, ապոկալիպտիկ, դժոխային վիճակ է, բայց ես հավատում եմ, որ կհաղթահարենք համահայկական ուժերով:

Բաժիններ
Ուղիղ
Լրահոս
Որոնում