Երկու նորարար լուծման շնորհանդես՝ SoftConstruct-ից10 մարտի 2021 - 11:17 AMT PanARMENIAN.Net - SoftConstruct միջազգային ՏՏ ընկերության հայաստանյան գրասենյակում կայացել է տեղեկատվական տեխնոլոգիաների ոլորտում հայ մասնագետների կողմից ստեղծված՝ PandaMR վիրտուալ ցուցահանդեսների կազմակերպման հարթակի շնորհանդեսը, որի շրջանակում հնարավոր է նաև անցկացնել կոնֆերանսներ ու հանդիպումներ, ինչպես նաև ներկայացվել է Hoory արհեստական բանականությամբ օժտված ձայնային օգնականը: Միջոցառմանը ներկա էին ՏՏ առաջատար ընկերությունների և մյուս բիզնես ոլորտների ներկայացուցիչներ: Տեղեկատվական տեխնոլոգիաների զարգացմանը զուգահեռ օրեցօր ավելի մեծ մաս են կազմում արհեստական բանականության վրա հիմնված գործիքների կիրառությունները: SoftConstruct-ը՝ շարունակելով Հայաստանում ՏՏ ոլորտի զարգացմանն ուղղված քայլերը, ՏՏ անծայրածիր տիրույթում ունի իր կայուն տեղը: Ընկերությունը գործում է 2004 թվականից, ունի ավելի քան 14 մասնաճյուղ ամբողջ աշխարհում և մոտ 5000 աշխատակից: Միջազգային հանրության մոտ PandaMR-ն ու Hoory-ն արդեն իսկ մեծ հետաքրքրություն են առաջացրել: Նախագծերի իրականացման շրջանակում կազմակերպությունը կհամալրվի ևս 50 աշխատատեղով: Միջոցառման ընթացքում SoftConstruct ընկերության և ստարտափների խոշորագույն հարթակ «Ստարտափ Արմենիա» հիմնադրամի միջև հուշագիր է ստորագրվել, համաձայն որի երկու ընկերությունը համատեղ կկազմակերպեն նոր, նախադեպը չունեցող ձևաչափով միջոցառումներ PandaMR հարթակում: Հուշագիր կնքվել է նաև SoftConstruct-ի և Հայաստանում ֆրանսիական համալսարանի միջև, որի շրջանակում ընկերությունը կաջակցի մի շարք ուսանողներին ուսումնառության ընթացքում, ինչպես նաև PandaMR հարթակը կներդրվի համալսարանում ամենամյա միջոցառումների անցկացման համար: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Հարությունյան․ Ոսկեպարի ճանապարհի դելիմիտացիայի հարցն առայժմ օրակարգում չէ, Կիրանցի մասում մի փոքր հատված կա, որի հարցը կլուծվի Նա հավելել է, որ վարչապետն ականջալուր է եղել ոսկեպարցիներին Ռուբեն Վարդանյանի որդին՝ Le Figaro–ին․ Ապրիլի սկզբից շփում չկա, չափազանց անհանգիստ ենք Վարդանյանն ապրիլի 5–ից հացադուլ է հայտարարել ադրբեջանական բանտում Գիշերը տավուշցիները Բաղանիսի և Կիրանցի հատվածում միջպետական ճանապարհ են փակել Հավաքվածները պնդում էին, որ միակողմանի զիջումներով սահմանազատման և սահմանագծման գործընթացն ապօրինի է Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից |