Հայստանի վարչապետ Նիկոլ Փաշինյանը ֆեյսբուքի իր էջում նոր գրառում է կատարել, որը վերաբերում է իր այսօր Գյումրի չգնալուն ու քաղաքի տոնին չմասնակցելուն:
«Սիրելի գյումրեցիներ. շնորհավորում եմ ձեզ քաղաքի օրվա առիթով: Մաղթում ավելի մեծ դուխ, վստահություն եւ բարեկեցություն:
Կներեք, որ այսօր չեմ եկել:
Սիրում եմ բոլորիդ, հպարտանում եմ բոլորովդ, խոնարհվում եմ բոլորիդ առաջ:
Հ.Գ. Անկեղծ ասած միայն քիչ առաջ եմ իմացել, որ այսօր նման օր է, ինչը նշանակում է ինչ-որ մեկը իր աշխատանքը չի կատարել: Կգտնեմ նրան ու կպատժեմ: Չնեղվեք իմ հարազատ գյումրեցիներ: Առաջիկայում կտեսնվենք»:
Հիշեցնենք, որ այսօր Հանրապետության երկրորդ քաղաքը՝ Գյումրին, «Վերածնվող Գյումրի» խորագրի ներքո տոնեց իր օրը: Ամենուր տոնական տրամադրություն է եղել, քաղաքի տարբեր հատվածներում միջոցառումներ են կազմակերպվել:
Գյումրեցիները ողջ օրը անհամբեր ու սրտատրոփ սպասել են վարչապետ Նիկոլ Փաշինյանի այցին`ով սակայն չի գնացել Գյումրի: