Տնտեսական

USD BUY - 391.50-0.50 USD SELL - 395.50-0.50
EUR BUY - 421.00-1.00 EUR SELL - 429.00-1.00
OIL:  BRENT - 86.30+0.96 WTI - 81.71+0.90
COMEX:  GOLD - 2215.40+0.78 SILVER - 24.80+0.94
COMEX:  PLATINUM - 912.00-0.55
LME:  ALUMINIUM - 2287.00-1.38 COPPER - 8806.00-0.59
LME:  NICKEL - 16560.00-3.19 TIN - 27375.00-0.99
LME:  LEAD - 2005.00-1.28 ZINC - 2416.00-2.74
FOREX:  USD/JPY - 151.36-0.20 EUR/GBP - 1.082-0.06
FOREX:  EUR/USD - 1.082-0.06 GBP/USD - 1.2627+0.11
STOCKS RUS:  RTSI - 1129.95+1.23
STOCKS US: DOW JONES - 39760.08+1.22 NASDAQ - 16399.52+0.51
STOCKS US: S&P 500 - 5248.49+0.86
STOCKS JAPAN:  NIKKEI - 40762.73+0.90 TOPIX - 2799.28+0.66
STOCKS CHINA:  HANG SENG - 16392.84-1.36 SSEC - 2993.14-1.26
STOCKS EUR:  FTSE100 - 7931.98+0.01 CAC40 - 8204.81+0.25
STOCKS EUR:  DAX - 18477.09+0.50
27/03/2024  CBA:  USD - 394.71-0.97 GBP - 498.56-2.21
27/03/2024  CBA:  EURO - 427.55-1.96
27/03/2024  CBA:  GOLD - 27662.14-28.54 SILVER - 315.03+1.26
Վլադիմիր Պուտինը նշել է ԵԱՏՄ հարթակում արձանագրված հաջողությունները
14/05/2018 19:31
Կիսվել

Վլադիմիր Պուտինը նշել է ԵԱՏՄ հարթակում արձանագրված հաջողությունները

Եվրասիական տնտեսական միության բարձրագույն խորհրդի նեղ կազմով նիստն աշխատանքները սկսում է բավականին հագեցած օրակարգով։ Նիստի բացմանը հայտարարեց Ռուսաստանի Դաշնության նախագահ Վլադիմիր Պուտինը։ Նախ` նա ողջունեց ՀՀ վարչապետ Նիկոլ Փաշինյանին՝ ևս մեկ անգամ շնորհավորելով  երկրի ղեկավարի պաշտոնը ստանձնելու առիթով, ապա նշեց, որ 2018-ին որպես ԵԱՏՄ նախագահող երկիր Ռուսաստանը առաջարկել է համատեղ աշխատանքի բազմակողմ ծրագիր։ «Առաջնահերթություններից են ապրանքների ու ծառայությունների միասնական շուկայի ստեղծման ուղղությամբ ջանքերի մեծացումը, արդյունաբերական կապերի և համագործակցության զարգացումը, բացի այդ՝ անհրաժեշտ ենք համարում արժութային, ֆինանսական և դրամավարկային քաղաքականությունների սերտացումը, նոր արդյունավետ տրանսպորտային շղթաների ստեղծումը»,-«Արմենպրես»-ի թղթակցի հաղորդմամբ՝ ասաց Վլադիմիր Պուտինը։

ՌԴ նախագահը նկատեց, որ հինգ երկրներին միավորող կառույցում մի շարք ուղղություններով արդեն իսկ արձանագրվում են մեծ ձեռքբերումներ։ «Աճում է ներքին առևտրաշրջանառությունը, ընդլայնվում է երրորդ երկրներ ապրանքների և ծառայությունների մատակարարումը, բարելավվում են արտահանման կառուցվածքները, ստեղծվում են նոր համատեղ ձեռնարկություններ, մեկնարկում են հեռանկարային նորարարական նախագծեր»,-հավելեց ՌԴ նախագահը։

Նրա խոսքով՝ ինտեգրացիոն գործընթացների զարգացումը լավ հնարավորություն է սերտ համագործակցություն հաստատել ատոմային և վերականգնվող էներգետիկայի, բնապահպանության, բժշկության, տուրիզմի, սպորտի ոլորտներում։ «Օգտակար կլիներ ավելի շատ ուշադրություն հատկացնել նաև սոցիալ-հումանիտար ուղղությանը»,-ասաց Պուտինը։

Նեղ կազմով նիստի օրակարգային հարցերից նա կարևորեց Մոլդովային՝ որպես դիտորդ-պետության կարգավիճակ տալու հարցը, որն այսօր իսկ հնարավոր է իրականացնել։

ԵԱՏՄ բարձրագույն խորհրդի նիստն անդամ-պետությունների ղեկավարների առաջին հանդիպումն է 2018-ին։ Բարձրագույն խորհուրդը միության բարձրագույն մարմինն է, որի կազմի մեջ են մտնում անդամ պետությունների ղեկավարները: Եվրասիական տնտեսական միությունը գործում է 2015 թվականի հունվարի 1-ից, ինտեգրացիոն կառույցի կազմում են Հայաստանը, Բելառուսը, Ղազախստանը, Ղրղզստանը և Ռուսաստանը։

Այսօր առավոտվանից ՀՀ վարչապետը հանդիպումներ է ունեցել Մոլդովայի, Ռուսաստանի, Բելառուսի, Ղրղզստանի նախագահների հետ։ Ղազախստանի նախագահի հետ հանդիպում, ըստ օրակարգի, նախատեսված չէ։

27/03/2024
դրամ
Դոլար (USD)
394.71
-0.97
Եվրո (EUR)
427.55
-1.96
Ռուբլի (RUR)
4.27
+0.00
Լարի (GEL)
146.05
-0.51
27662.14
-28.54
Արծաթ
315.03
+1.26