«Յանդեքս» եւ Uber ընկերությունները հայտարարել են իրենց ծառայությունների միավորման գործարքի ավարտի մասին, հաղորդում է Meduza-ն:
Միավորված ընկերությունը գլխավորում էր «Յանդեքս.Տաքսիի» ղեկավար Տիգրան Խուդավերդյանը: Տնօրենների խորհրդում ընդգրկվել էին «Յանդեքսի» 4 ներկայացուցիչներ (այդ թվում հիմնադիրներից մեկը՝ Արկադի Վոլժը) եւ Uber-ի երեք ներկայացուցիչ:
Գործարքի ավարտին Uber-ը եւ Yandex-ը նոր ընկերությունում ներդրել էին համապատասխանաբար 225 մլն դոլար եւ 100 մլն դոլար: Ընկերությունը գնահատվում է ավելի քան 3,8 միլիարդ ԱՄՆ դոլար: Ընկերության մոտ 59.3 տոկոսը պատկանում է «Յանդեքսին», 36.9 տոկոսը՝ Uber-ին եւ 3.8 տոկոսը՝ աշխատակիցներին:
«Յանդեքս.Տաքսին» եւ Uber-ը 2017 թվականի հուլիսին հայտարարել էին միավորված կազմակերպության մասին Ռուսաստանում, Բելառուսում, Ղազախստանում, Վրաստանում, Ադրբեջանում եւ Հայաստանում աշխատելու համար:
