«Էրեբունի»-ն գերազանցեց «Կիլիկիա»-ին. Բասկետբոլի Ա լիգա
22:41, 10 Դեկտեմբեր 2020
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի բասկետբոլի Ա-Լիգայի կանոնավոր առաջնության հերթական տուրի շրջանակում կայացած «Էրեբունի»-«Կիլիկիա» խաղում հաղթանակն ուղեկցեց տանտերերին՝ 106-83 հաշվով:
«Արմենպրես»-ի հաղորդմամբ` «Էրեբունին» հաղթեց առաջին ու չորրորդ քառորդներում, երկրորդ քառորդում հաղթեց «Կիլիկիան», իսկ երրորդ քառորդում հաշիվը հավասար էր:
Խաղում ամենաարդյունավետը «Էրեբունիից» Այվին Էլլիսն էր՝ վաստակած 35 միավորով: Նա նաև 17 անգամ տիրեց օղակից անդրադարձող գնդակին ու իրականացրեց 4 արդյունավետ փոխանցում:
«Էրեբունին» ունի 26 միավոր ու 4-րդն է, իսկ «Կիլիկիան» 21 միավորով 8-րդ հորիզոնականում է:
Բաժանորդագրվեք մեր ալիքին Telegram-ում