ԵՄ-ն փորձագիտական աջակցություն կտրամադրի ՀՀ-ին և Ադրբեջանին սահմանազատման և սահմանագծման համար15 դեկտեմբերի 2021 - 11:10 AMT PanARMENIAN.Net - Եվրամիությունը փորձագիտական առաքելություն կտրամադրի ՀՀ և Ադրբեջանի միջև սահմանազատման ու սահմանգծման հարցի լուծման համար։ Այդ մասին ասվում է Եվրոպական խորհրդի նախագահ Շառլ Միշելի հայտարարության մեջ, որը նա տարածել է դեկտեմբերի 14-ին իր և ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի մասնակցությամբ Բրյուսելում կայացած եռակողմ հանդիպումից հետո։ «ԵՄ-ն փորձագետների/խորհրդատվական խմբի առաքելություն կտրամադրի սահմանազատման և սահմանագծման համար՝ երկու երկրներին տեխնիկական օգնություն տրամադրելու միջոցով»,-ասվում է հայտարարության մեջ, հայտնում է ՏԱՍՍ-ը։ Փաստաթղթում ասվում է, որ Փաշինյանն ու Ալիևը «համաձայնել են, որ երկու երկրների միջև պետական սահմանի սահմանազատման և սահմանագծման բանակցությունների նախատեսվող մեկնարկի համատեքստում անհրաժեշտ կլինի էական քայլեր կատարել տեղերում լարվածությունը նվազեցնելու նպատակով՝ բարենպաստ մթնոլորտ ապահովելու համար»։ Միշելը կոչ է արել Երևանին և Բաքվին ակտիվ և բարեխիղճ մասնակցություն ունենալ և աշխատել դեէսկալացիայի ուղղությամբ։ Նա նշել է, որ «ուժերի անհրաժեշտ դիստանցիայի ապահովումը միջադեպերի կանխարգելման կարևոր տարր է»,-ասվում է հայտարարության մեջ։ Բրյուսելում տեղի է ունեցել Հայաստանի Հանրապետության վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը։ Քննարկվել են 2020 թվականի նոյեմբերի 9-ի, 2021 թվականի հունվարի 11-ի, ինչպես նաև նոյեմբերի 26-ի եռակողմ հայտարարությունների կատարման ընթացքը: Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Միկոյան-Գալշոյան խաչմերուկում երթևեկությունը կփոփոխվի Փոփոխությունը կկատարվի փորձնական տարբերակով Ֆրանսիայի դեսպանն Ակադեմքաղաքի տարածքում էր․ Առաջնային է համարել հանրակացարանները, տրանսպորտը Այցելուների թվում էր նաև Հայաստանում ֆրանսիական համալսարանի ռեկտոր Սալվա Նակուզին |