ԱՄՆ–ն փորձում էր վնաս պատճառել Իրանին, բայց ապարդյուն։ Այս մասին հայտարարել է Իրանի նախագահ Հասան Ռոուհանին՝ ելույթ ունենալով Բենդեր Աբբաս քաղաքում, փոխանցում է ՏԱՍՍ–ը։
«Մեկ ամիսց ավելին է, ինչ ականատեսն ենք լինում մեր երկրին վնաս հասցնելու ԱՄՆ–ի փորձերին, բայց այդ փորձերը տապալվել են»,–ասել է նա։ Նախագահը նաեւ շեշտել է, որ Իրանը օտարերկրյա որեւէ պետության օգնության կարիքն չի զգում Պարսից ծոցի երկրների անվտանգությունն ապահովելու համար։
Թեհրանի եւ Վաշինգթոնի հարաբերությունների համատեքստում նա հիշեցրել է, որ ամերիկյան ղեկավարությունն անտրամաբանական հայտարարություններ է արել Գործողությունների համապարփակ գործողությունների պլանի առնչությամբ, հավելելով, որ Իրանը կշարունակի գործել իր ազգային շահերին համապատասխան։
Հիշեցնենք, որ 2017 թվականի հոկտեմբերի 13-ին ԱՄՆ նախագահ դոնալ Թրամփն հայտարարել էր, որ Իրանի հետ «միջուկային գործարքը» պետք է խստացվի կամ անվավեր ճանաչվի։
Նա նշել է, որ Իրանը հավատարիմ չէ գործարքի ոգուն, ուստի ելնելով Իրանի կողմից աճող վտանգի իրականությունից եւ մեր դաշնակիցների հետ համապարփակ խորհրդակցություններից հետո, ես նոր ռազմավարություն եմ որդեգրում՝ Իրանի կործանարար գործողություններին հակազդելու համար։