1000х90.jpg (78 KB)

Երևանում՝ 11:07,   29 Մարտ 2024

ՓՄՁ-ներին կներկայացվեն պարենային անվտանգության ստանդարտներն ու պահանջները. ՍԱՏՄ-ն ու ՊՀԾ-ն հուշագրիր են ստորագրել

ՓՄՁ-ներին կներկայացվեն պարենային անվտանգության ստանդարտներն ու 
պահանջները. ՍԱՏՄ-ն ու ՊՀԾ-ն հուշագրիր են ստորագրել

ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանն ու Պարենի համաշխարհային ծրագրի հայաստանյան գրասենյակի տնօրենի տեղակալ Նաննա Սկաուն սեպտեմբերի 23-ին ստորագրել են փոխըմբռնման հուշագիր, որի նպատակը փոքր ու միջին ձեռնարկությունների կարողությունների զարգացման շուրջ համագործակցությունն է՝ ուղղված պարենային ապահովության նվազագույն ստանդարտների ապահովմանը:

Ինչպես «Արմենպրես»-ին տեղեկացրին ՀՀ սննդամթերքի անվտանգության տեսչական մարմնից, Նաննա Սկաուն հույս է հայտնել, որ այս ուղղությամբ կատարված առաջին քայլը դրական արդյունքներ կապահովի հետագա նպատակային համագործակցության համար: Գեորգի Ավետիսյանը հավաստիացրել է, որ տեսչական մարմինը պատրաստ է ներդնել հասանելի բոլոր ռեսուրսները սննդամթերքի անվտանգության բնագավառում նշանակալի ձեռքբերումներ ունենալու և փոխգործակցության լայն ասպարեզ ապահովելու համար:

Նշվում է, որ այս համագործակցությունը կխթանի պարենային արտադրության շղթաներում ներգրավված ֆերմերական տնտեսությունների գիտելիքների ու կարողությունների զարգացումը սննդամթերքի անվտանգության և պարենային ապահովման ստանդարտների կիրառման, ինչպես նաև վտանգի վերլուծության և հսկման կրիտիկական կետերի (ՎՎՀԿԿ/HACCP) համակարգի ներդրման բնագավառում:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]