Տավուշի մարզում դաժան սպանություն է տեղի ունեցել։ Այսօր՝ դեկտեմբերի 24–ին ժամը 10։50–ին անհայտ անձը զանգահարել է ոստիկանություն և հայտնել, որ Բերդ քաղաքի Ուտիքի փողոցի տներից մեկում մոր և որդու են սպանել։
Ինչպես հայտնում են ոստիկանությունից, դեկտեմբերի 23–ին ժամը 21։30–ից մինչև դեկտեմբերի 24–ը ժամը 10։30 ընկած ժամանակահատվածում Ուտիքի փողոցի տներից մեկում սուր կտրող–ծակող գործիքով սպանել են մոր և որդու՝ կտրելով պարանոցը:
Նախնական տեղեկություններով՝ սպանված կինը 87 տարեկան է, իսկ նրա որդին 57 տարեկան։
Նշանակվել է դատաբժշկական փորձաքննություն, կատարավում է քննություն։