Սիրիայի ԱԳ նախարար Վալիդ Մուալեմը Ռուսաստանի նախարար Սերգեյ Լավրովի հետ հանդիպման ժամանակ հայտնել է, որ ԱՄՆ-ն փորձում է խանգարել Դեյր Զորում սիրիական բանակի առաջխաղացմանը, փոխանցում է ՌԻԱ Նովոստին։
Նախարարների հանդիպումը կայացել է ՄԱԿ ԳԱ 72-րդ նստաշրջանի շրջանակում։
«Մենք ուրախ ենք տեսնել, թե ինչպես է մեր համագործակցությունը սկսում պտուղներ տալ, այնպես որ սիրիական ժողովուրդը ավելի է համոզվում, որ ճգնաժամի ավարտը մոտ է»,- ասել է Մուեալեմը։
«Բայց ամերիկացիները դեռ իրենց մոտեցումը չեն փոխում։ Դեր Զորում նրանք փորձում են խանգարել ԻՊ-ի դեմ մեր բանակի առաջխաղացմանը»,- շեշտել է Սիրիայի նախարարը։
Նա նաև նշել է, որ սեպտեմբերի կեսերին Աստանայում Սիրիայի վերաբերյալ հանդիպումը հաջող է։ «Դա շատ կարևոր ձեռքբերում է, բայց խնդիրը նաև այն է, արդյոք ամերիկացիները պատրաստ են պատշաճը մատուցել Ռուսաստանին»,- ասել է Սիրիայի ԱԳ նախարարը։
«Փողո՞վ, թե՞ ուրիշ ձևով»,- հեգնել է Լավրովը։ «Ձեզ փող պետք չէ»,- ժպտալով պատասխանել է Մուալեմը։
