Այսօր՝ մարտի 27-ին, Ազգային ժողովը շարունակում է իր աշխատանքները: Այժմ քննարկվում է Կառավարության ծրագրի կատարման ընթացքի և արդյունքների մասին զեկույցը:
«Բարգավաճ Հայաստան» խմբակցության պատգամավոր Սերգեյ Բագրատյանը վարչապետ Փաշինյանի ելույթը համարելով ծրագրային՝ ասաց. «Ես այն կորակեմ որպես քաղաքական հեղափոխությունը տնտեսական վերափոխելու լավագույն ճանապարհ»:
Նա ընդգծեց, որ տեղի ունեցած փոփոխությունը այս դահլիճում նստածներից որևէ մեկը չի մոռանում. «Նաև՝ հեղափոխությունը այս դահլիճում նստածներից որևէ մեկից պաշտպանել պետք չէ. այստեղ նստածներից յուրաքանչյուրը հեղափոխության իր երազանքն է ունեցել»:
Անդրադառնալով ԱԺ նախագահ Արարատ Միրզոյանի երեկվա հորդորին՝ պատգամավորն ասաց. «Էնպես չի, որ մենք «դեմ» կնոպկայի տեղը չգիտենք: Ճակատագրի բերումով՝ դուք իշխանություն եք, մենք՝ ընդդիմություն, իսկ ընդդիմության դերը քննադատելն է, ինչքան էլ դա դժվար է ընկալվում պարոն Միրզոյանի կողմից»:
Վարչապետը անդրադառնալով ժամավաճառությանը՝ ասաց. «Մարդիկ կան 96-ից հարցազրույց են տալիս և միայն անուն-ազգանուններն են փոխում»:
Մանրամասները՝ տեսանյութում: