«Ներկայիս Ազգային ժողովը աջակցում է բոլոր ներդրողներին և որևէ խոչընդոտ չի հանդիսանում. չէի ցանկանա, որ նման պատրվակներ մենք փնտրեինք: Ինչպես հայտարարել էինք մայիսին, հայտարարում ենք նաև այժմ՝ մենք որևէ խոչընդոտ չենք հանդիսանալու կառավարության ծրագրերին»,- «Առաջին լրատվական»-ի հետ զրույցում ասաց ՀՀԿ խմբակցության ղեկավար Վահրամ Բաղդասարյանը՝ ի պատասխան Նյու Յորքում վարչապետ Նիկոլ Փաշինյանի հայտարարության:
Ինչ վերաբերում է արտահերթ խորհրդարանական ընտրությունների հարցի շուրջ վարչապետի հետ անցկացվող բանակցություններին, ՀՀԿ խմբակցության ղեկավարը շեշտեց, որ իրենք երբեք չեն խուսափում բանակցություններից. «Մենք պատրաստ ենք Ընտրական օրենսգրքի (որի հարցը դեռ չենք ավարտել) շրջանակներում բանակցել, բայց առայժմ մենք նման առաջարկ չենք ստացել: Առաջարկը ստանալուց՝ կմտածենք»:
Այնուամենայնիվ, Վահրամ Բաղդասարյանը նոյեմբերին խորհրդարանական արտահերթ ընտրություններ անցկացնելու հիմքեր չի տեսնում:
Երևանի ավագանու արտահերթ ընտրություններում «Իմ քայլը» դաշինքի ջախջախիչ հաղթանակի կապակցությամբ էլ ՀՀԿ խմբակցության ղեկավարն ասաց. «43 տոկոս մասնակցության պարագայում սպասելի էր»:
Մանրամասները՝ տեսանյութում:
