Սատուրնը կորցնում է իր օղակները գիտնականների կանխատեսած ամենավատ տարբերակով:
NASA-ի նոր հետազոտությունը ցույց է տվել, որ անհետացման ներկայիս արագության դեպքում դրանք ամբողջությամբ կվերանան 100-300 մլն տարի հետո:
«Դա բավականին կարճ ժամանակ է, հատկապես հաշվի առնելով, որ Սատուրնի տարիքը չորս միլիարդ տարուց ավելի է»,- ասել է հետազոտության գլխավոր հեղինակը, Գոդհարդ Ջեյմս Օ’ Դոնոհյուի անվան տիեզերական թռիչքների կենտրոնի աշխատակիցը:
Արեգակնային համակարգի չափանիշներով Սատուրնի օղակները բավականին երիտասարդ են: Դրանք առաջացել են ավելի քան 100 միլիոն տարի առաջ. Երկրի վրա այդ ժամանակ դինոզավրեր են ապրել:
Օղակները բաղկացած են հիմնականում սառույցի մասնիկներից: Գիտնականները կարծում են, որ դրանք երբեմնի հսկա մոլորակի Սատուրնի ուղեծրում փլուզված արբանյակի մնացորդներն են:
