ԵՐԵՎԱՆ, 6 հոկտեմբերի. /Նովոստի Արմենիա/. Նախօրեին Մոսկվայում գործարար Արսեն Փափազյանին սպանած վարձու մարդասպանը դեպքի վայրից հեռացել է հեծանվով, հայտնում է «Մոսկովսկի կոմսոմոլեցը»։
Նախօրեին Մոսկվայում մահափորձ է կատարվել խոշոր հասարակական գործիչ, գործարար Արսեն Փափազյանի նկատմամբ։ Նրան գնդակահարել են ժամը 14։00 սահմաններում Մյասնիցկայա փողոցի և Բանկովսկի նրբանցքի խաչմերուկում։ Ծանր վիճակում նրան տեղափողել են Մոսկվայի Սկլիֆոսովսկու անվան հիվանդանոց։ Քննիչներն այստեղ ակտիվորեն փորձում են շոշափել ուկրաինական հետքը, քանի որ վերջին տարիներին գործարարը ապրել և գործերի մեծ մասը կատարել է Ուկրաինայում, այլ ոչ թե Ռուսաստանում։
Ինչպես դեպքի վայրում հայտնի է դարձել «ՄԿ» թերթի թղթակցին, Փափազյանին սպանել են այն տան մոտ, որտեղ նա պաշտոնապես գրանցված է եղել (Մյասնիցկայա, 22)։ Նախնական տեղեկություների համաձայն, կրակել են ատրճանակից`արձակելով 4–5 կրակոց։ Գործարարն ընկել է մեջքի վրա։ Դեպքից անմիջապես հետո տնից դուրս է վազել նրա կինը, իսկ խցանման մեջ հայտնված «Ռեյնջ Ռովեր» մեքենայից դուրս է եկել մի տղամարդ, ով սկսել է առաջին օգնություն ցուցաբերել գործարարին։ Շտապօգնությունը բավականին արագ է տեղ հասել, և Փափազյանին տեղափոխել է հիվանդանոց։ Նրա առողջական վիճակը գնահատվել է ծանր։ Որոշ ժամանակ անց Փափազյանը մահացել է։
Загружается новость ... "Лево"
Որոշ տեղեկությունների համաձայն, վարձու մարդասպանը տեղաշարժվում է հեծանվով և նա հեռացել է Կրիվոկոլենի նրբանցքի ուղղությամբ։ Ամենայն հավանականությամբ` խուզարկուները կստուգեն հեծանիվների վարձույթի վայրերը, որոնց թիվն այդ տարածքում քիչ չէ։ Սպանողի դեմքը նաև կարող է ֆիքսված լինել տեսախցիկների վրա։
Երևանում ծնված Արսեն Փափազյանն (ում հայրը երկար տարիներ եղել է Երևանի ամենամեծ դպրոցի տնօրենը) իր բիզնեսը սկսել է Վորոնեժում, որտեղ 80–նական թվականերին նա ավարտել է տեղի համալսարանի իրավաբանական բաժինը։ Նա ակտիվորեն զբաղվում էր հասարակական գործունեությամբ, գլխավորել է Հասարակական պալատի Ազգային հարցերի հանձնաժողովը, եղել է «Վորոնեժի ոսկե ֆոնդի» դափնեկիրեր։ 1966 թվականին նրա նախաձեռնությամբ ստեղծվել են փախստականների և հարկադիր գաղթականների օգնության հիմնադրամներ, Չեչնիայի վետերանների օգնության հիմնադրամ։
Փափազյանի գործունեության հիմնական ուղղություններն էին շինարարական և ռեստորանային բիզնեսը։ Նրա «ԱՍՊ–Տրանսստրոյ» ընկերությունը փողոցների ասֆալտապատման տենդերներ է շահել, իսկ Վորոնեժում գտնվող «Ժոզեֆինա» և «Նոյան Տապան» սրճարանները բավականին մեծ ճանաչում են վայելել։
Առաջին խնդիրները Փափազյանի մոտ առաջացել են 2006 թվականին։ Այդ ժամանակ հայտնի դարձավ, որ նա անօրինական անձնագիր է ստացել և Ռուսաստանում անօրինական է բնակվել։
Նրան այդպես էլ չի հաջողվել օրինական բնակության թույլտվություն ստանալ, և նա ստիպված է եղել հեռանալ երկրից։ Իր ամբողջ բիզնեսը նա տեղափոխել է Ուկրաինա։ Այնտեղ Փափազյանը գրանցվել է Օդեսայում, սակայն նրա ընկերությունը տենդերներ է շահել ամբողջ երկրում։ Ներկայում հայտնի չէ` ինչ նպատակով ու որքան հաճախ էր Փափազյանը գալիս Ռուսաստան։ Ամեն դեպքում, եթե սպանություն պատվերը եկել է Կիևից, ապա սպանողի հայտնաբերումը բավականին կդժվարանա։ –0–