Մի չհասկացված զեկույցի պատմություն. Ինչի մասին է ԱՄՆ դեսպանատան հայտարարության մասով աղմուկը13 դեկտեմբերի 2018 - 16:25 AMT PanARMENIAN.Net - ԱՄՆ պետքարտուղարությունն իր քաղաքացիների համար ամեն տարի հրապարակում է ճամփորդության համար անվտանգ և վտանգավոր երկրների ցանկը: Աշխարհի բոլոր երկրները բաժանվում են 4 դասակարգի՝ ըստ իրենց անվտանգության մակարդակի: Առաջին դասակարգում այն երկրներն են, ուր այցելելու դեպքում պետքարտուղարությունն ԱՄՆ քաղաքացիներին հորդորում է «նախազգուշական բավականին սովորական միջոցներ կիրառել»: Երկրորդ դասակարգում են երկրները, որտեղ ԱՄՆ քաղաքացիները պետք է «մեծ զգուշություն ցուցաբերեն», երրորդում՝ երկրներն են, որոնց դեպքում պետքարտուղարությունը հորդորում է ամերիկացիներին «վերանայել այնտեղ այցելելու որոշումը», չորրորդ դասակարգում են երկրները, ուր ընհանրապես «խորհուրդ չի տրվում այցելել»: Այս դասակարգումը կրում է խորհրդատվական բնույթ: Հայաստանը 2018-ին ներառվել է առաջին դասակարգում. այսինքն ԱՄՆ պետքարտուղարությունն իր քաղաքացիներին ՀՀ այցելելիս պարզապես հորդորում է կիրառել նախազգուշական սովորական միջոցներ: ՀՀ-ն, ընդ որում, անվտանգության համեմատաբար բարձր մակարդակ ունեցող երկրների դասակարգում է հայտնվել այնպիսի երկրների հետ, որոնք են Շվեյցարիան, Կանադան, սկանդինավյան և Կենտրոնական Եվրոպայի երկրները: Իսկ, օրինակ՝ հարևան Ադրբեջանը երկրորդ դասակարգում է, ինչը ենթադրում է բարձր նախազգուշական միջոցառումներ այստեղ ուղևորվելիս: Թուրքիա մեկնելու որոշումը ԱՄՆ պետդեպը հորդորում է վերանայել: ԱՄՆ դեսպանատունն այս մասին հայտարարություն էր տարածել, որտեղ նշվում էր, որ տոնական օրերին ՀՀ այցելելու համար երկրի քաղաքացիները պետք է նախազգուշական սովորական միջոցներ ձեռք առնեն, և զգուշության կոչ էր արել: Դեսպանատան հայտարարությունը, որը, ըստ էության, փոխանցում էր ԱՄՆ պետքարտուղարության կողմից աշխարհի երկրների՝ ճամփորդության համար անվտանգության մակարդակի վերաբերյալ ամեն տարի տրվող գնահատականը, տարընթերցումների տեղիք է տվել մամուլում՝ արհեստական աղմուկ բարձրացնելով նաև սոցիալական ցանցերում: ՀՀ ոստիկանությունն էլ արձագանքելով մամուլի հրապարակումներին՝ հայտարարություն է տարածել, նշելով, որ Հայաստանի Հանրապետությունում քրեածին իրավիճակը անհանգստության տեղիք չի տալիս, անվտանգ է ինչպես Հայաստանի քաղաքացիների, այնպես էլ զբոսաշրջիկների համար և գտնվում է ոստիկանության մշտական վերահսկողության ներքո: «Բազմաթիվ միջազգային կազմակերպություններ անվտանգ են գնահատել Հայաստանն ու մայրաքաղաք Երևանը, և ոստիկանությունն ու մյուս իրավապահ մարմինները ունեն բոլոր հնարավորություններն ու միջոցները և անում են ամեն ինչ` այդ գնահատականը հաստատելու ու հասարակական անվտանգության լիարժեք պահպանման համար, իսկ հատկապես տոնական օրերին ոստիկանությունը պարտադիր անցնում է ուժեղացված ծառայության», - ասված է Ոստիկանությնա հաղորդագրությւնում։ Հայաստանը 2017-ին ևս ճամփորդության համար անվտանգ երկրների շարքում էր՝ ԱՄՆ քաղաքացիների համար: Ուշագրավ «Դրանով փորձում են մեզ ինչ–որ բան ապացուցել»,–ասել է նա Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Freedom House–ը մտահոգված է ՀՀ-ում ոստիկանական բռնության մասին հաղորդումների աճով Կազմակերպությունը կոչ է արել ՀՀ իշխանություններին հետաքննել «անհամաչափ ուժի և անմարդկային վերաբերմունքի դեպքերը» Գարեգին Բ․ Հերոսական անցյալով հզոր մեր ժողովուրդը պիտի հեռացնի իր կյանքից ազգային շահերին հակառակ կործանարար դրսևորումները Նա նշել է, որ մտահոգիչ ծանր իրավիճակ է Հայաստանի սահմանային տարածքներում Սերժ Սարգսյան․ Ցեղասպանության հարցը սակարկման ենթակա չէ, միայն իշխանազավթներին հեռացնելը կկանխի պետականության կործանումը Նա նշել է, որ միայն օր առաջ համազգային ընդվզումով կապիտուլյանտ իշխանազավթներին հեռացնելը կարող է կանխել պետականության կործանումը Փաշինյան․ Մեծ եղեռնը դատավճիռ չէ՝ պետք է դադարենք հայրենիքի փնտրտուքը, որովհետև գտել ենք այդ հայրենիքը «Մեծ եղեռնը, հայրենազրկումը դատավճիռ չէ մեզ համար, որ պիտի կրենք որպես կորուսյալ հայրենիքի շարունակական փնտրտուք»,–նշել է նա |