Նախկին ԽՍՀՄ-ի երկրների տարօրինակ արգելքները կորոնավիրուսի համաճարակի ֆոնին
Վրաստանի իշխանությունները կորոնավիրուսի համաճարակի ֆոնին արգելել են բնակիչներին անձնական մեքենաներով երթևեկել: Որոշումն արդեն իսկ շատ հարցեր է առաջացրել՝ ինչպես հասնել աշխատանքի և հնարավո՞ր է տաքսի կանչել։ Հետխորհրդային այս և մյուս երկրների՝ կորոնավիրուսի պայմաններում ընդունած անսովոր որոշումներն է ներկայացնում «Ուկրաինա .ռու»-ն։
Վրաստանում սեփական ավտոմեքենաներով ճանապարհորդելու արգելքը ուժի մեջ կլինի 5 օր`ապրիլի 17-ից 21-ը: Նույնիսկ տաքսիներն ընկնում են արգելքի տակ, բայց ոչ մոտոցիկլետներն ու հեծանիվները: Միայն թույլատրված տնտեսական գործունեությամբ զբաղվողները կկարողանան մեքենայով տեղաշարժվել: Հակառակ դեպքում, գործատուն ինքը պետք է ապահովի աշխատողի տեղափոխումը աշխատավայր և հակառակը՝ վերադարձ տուն։
«Նմանատիպ, բայց ավելի քիչ արմատական միջոցներ ձեռնարկեցին Հայաստանի իշխանությունները մարտ ամսին : Արգելվեց մեկից ավելի ուղևոր տեղափոխել սեփական ավտոմեքենաներով: Նախատեվածից ավելի բոլոր ուղևորներին ոստիկանները իջեցրել են ճանապարհի կեսին»,- գրում է ուկրաինական կայքը:
Հետագայում այդ արգելքը մեղմացվեց, նոր կանոնների համաձայն՝ մեքենայում կարող է լինել առավելագույնը երկու ուղևոր: Միևնույն ժամանակ, ինչ-ինչ պատճառներով այդ սահմանափակումը չի տարածվում երեխաների վրա, ովքեր կորոնավիրուսի հնարավոր վարակակիր կարող են լինել:
«Մարտի 16-ից Հայաստանում գործում է արտակարգ դրություն: Կրթական հաստատությունները և մշակութային հաստատությունները փակ են, սահմանափակ են երկրից մուտքն ու ելքը»,- գրում է կայքը:
Թուրքմենիայում տեղի իշխանություններն արգելել են «կորոնովիրուս» բառի օգտագործումը:
Ղազախստանում կարանտինի մեջ գտնվող քաղաքացիների դռների վրա ամրացրել են երկաթե փականներ, իսկ այդ բազմաբնակարան շենքերը շրջապատել են ժապավենով, որպեսզի վիրուսը չտարածվի:
Լիտվայում դեղորայքը և ախտահանող նյութերը վաճառվում են միայն դեղատոմսով և մեկական կոճակներով՝ օրինակ գլխացավի դեղերը:
Ըստ ուկրաինական կայքի, Ղրղզստանում էլ կորոնավիրուսի դեմ պայքարում են եկեղեցական զոհաբերությանն միջոցով:
«Իհարկե ամենից շատ Բելառուսը զարմացրեց աշխարհին կորոնավիրուսի դեմ պայքարի իր միջոցառումներով: Չնայած վարակակիրների աճող թվին, իշխանությունները չեն շտապում կարանտին մտցնել: Երկրում շարունակվում է ֆուտբոլի առաջնությունը, գործում են ուսումնական հաստատությունները, նախատեսվում է հանրապետական շաբաթօրյակ:
Բելառուսի Նախագահ Ալեքսանդր Լուկաշենկոն հեգնում է այն քաղաքացիներին, որոնք դիմակներ են կրում այնտեղ, որտեղ մարդիկ գրեթե չկան։ Նա առաջարկում է հիվանդությունը օղիով և լոգանքով բուժել, ինչպես նաև նախատեսում է եկեղեցի այցելել Զատկի միջոցառմանը: Չնայած շատ երկրներում այդ պահվածքը պատժվում է խիստ տուգանքներով»,- գրել է կայքը:
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ