Նիկոլ Փաշինյանը քարոզչական բուկլետներ է բաժանում Լոռու մարզում
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը ապրիլի 5-ին կայանալիք Սահմանադրության փոփոխությունների հանրաքվեի «Այո» քարոզչական կողմի բուկլետներ է բաժանում Լոռու մարզում: «Արմենպրես»-ի փոխանցմամբ` Փաշինյանը «Ֆեյսբուք»-ի իր էջի ուղիղ եթերի ընթացքում զրուցում է նաև բնակիչների հետ:
Նիկոլ Փաշինյանը այժմ գտնվում է Ստեփանավան քաղաքում, այցելել է նաև Գյուլագարակ, ծանոթացել բնակիչների խնդիրներին, սակայն նշել, որ քարոզարշավի փուլում որևէ նյութական խոստում տալ չի կարող: Այցի ընթացքում Փաշինյանը եղել է նաև Դենդրոպարկում:
Սահմանադրության փոփոխությունների հանրաքվեով առաջարկվում է դադարեցնել Սահմանադրական դատարանի նախագահ Հրայր Թովմասյանի և դատարանի 6 անդամների պաշտոնավարումը: Սահմանադրության փոփոխությունների հանրաքվեն տեղի կունենա ապրիլի 5-ին: Սահմանադրության փոփոխությունների հանրաքվեի նախընտրական քարոզարշավը մեկնարկել է փետրվարի 17-ին:
Բաժանորդագրվեք մեր ալիքին Telegram-ում