Մարուքյանն անդրադարձել է Լաչինի միջանցքով ականներ տեղափոխելու ադրբեջանական կեղծ լուրերին
19:50, 24 Նոյեմբեր 2022
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: ՀՀ հատուկ հանձնարարություններով դեսպան Էդմոն Մարուքյանը սուտ է որակել ադրբեջանական այն պնդումները, թե Հայաստանն օգտագործել է Լաչինի միջանցքը՝ ականներ տեղափոխելու համար։
«Արմենպրես»-ի հաղորդմամբ՝այս մասին իր թվիթերյան միկրոբլոգում գրել է դեսպանը:
«Ադրբեջանը պնդում է, որ Հայաստանն օգտագործել է Լաչինի միջանցքը՝ իրենց տարածք ականներ տեղափոխելու համար։ Սա լրիվ սուտ է։ Ադրբեջանը Հայաստանի օկուպացված տարածքներից վերցրել է ցամաքային ականներ, տեղափոխել Լեռնային Ղարաբաղի՝ Ադրբեջանի կողմից վերահսկվող տարածք՝ ցույց տալու միջազգային գործընկերներին և Լաչինի միջանցքը վիճարկելու կեղծ հիմքեր ստեղծելու համար»,-գրել է նա:
Բաժանորդագրվեք մեր ալիքին Telegram-ում