«Մեր խմբակցության մոտեցումը հետևյալն է․անձը քաղաքական կողմնորոշվածություն չպետք է ունենա, անձը պետք է բացառապես աչքի ընկած լինի մասնագիտական ունակություններով, և եթե այդ չափանիշներին բավարարում է, ապա մեր խմբակցությունը կողմ է քվեարկում։ Այդ չափանիշերը պահել ենք թե՛ նախկին թեկնածուների հետ կապմված և թե՛ ապագայում եկող բոլոր թեկնածուների հետ կապված»,-անդրադառնալով նախագահի կողմից ՍԴ դատավորի թեկնածու Արթուր Վաղարշյանի առաջադրմանը՝ ասաց ԱԺ ԼՀԿ խմբակցության պատգամավոր Տարոն Սահակյանը։
Պատգամավորն Արթուր Վաղարշյանին ճանաչում է 2003թվականից։ Նրա խոսքով՝ Արթուր Վաղարշյանը բացառիկ գիտելիքի տեր անձնավորություն է և ՀՀ-ում հանդիպող այն քիչ գիտնականներից, որոնք իրենց գիտելիքներով իրավագիտության մակարդակը Հայաստանում բարձրացրել են։
Նա նշեց, որ մենք պետք է առաջանորդվենք ողջախոհության կանխավարկածով և այն դրույթները, որոնք օրենքում և սահմանադրության մեջ գրված են, մեկնաբանենք ոչ թե խելագարության, այլ ողջախոհության կանխավարկածով։
