×
5,491
Անահիտ Կիրակոսյանը «Սարի աղջիկ» սերիալի դերասանական կազմում է: Կամերային երաժշտական թատրոնի դերասանուհին նոր կերպարի, նկարահանումների, խաղընկերների մասին առաջին բացահայտումներն արել է BRAVO.am-ի հետ զրույցում:
«Շատ ուրախ եմ, որ «Պատվի համար» սերիալից հետո նոր դերով կներկայանամ: Լավ թիմի հետ եմ աշխատում եւ ուրախ եմ, որ այս հետաքրքիր կերպարն ինձ են վստահել: Ուրախ եմ աշխատել Դիանա Գրիգորյանի հետ, մթնոլորտը դրական է, ինձ շատ լավ ընդունեցին»,-նշել է նա:
«Սարի աղջիկ» սերիալի նկարահանումներին
Անահիտը մարմնավորում է գլխավոր հերոսուհու մորը.«Աննան այն կերպարներից է, որի շուրջ ծավալվելու եւ հյուսվելու են հետաքրքիր զարգացումներ: Թե ինչ է լինելու իմ կերպարի հետ, չեմ ցանկանա բացահայտել եւ կուզեմ, որ դիտողը վայելի: Կերպարս դրամատիկ է: Նոր գույնով կներկայանամ, հատկապես, որ վերջերս հոլովակում ինձ բոլորը տեսան գյուղական ուրախ կնոջ կերպարում, այժմ կտեսնեն լուրջ, հետաքրքիր դերակատարմամբ»,-նշել է նա եւ ավելացրել, որ փայլուն խաղընկերներ ունի՝ Հարություն Մովսիսյանը, Աիդա Բաբաջանյանը, Արտաշես Մխիթարյանը, Էմմա Մանուկյանը:
Դերասանուհին նշել է, որ այս նախագծի նկարահանումներն առանձնանում են. «Ամենուր ադրենալին է՝ թռիչք ուղղաթիռով, ձիավարում... Բարդ նկարահանումներ ենք ունեցել, նույնիսկ հասել ենք Լաստիվեր, Դսեղ: Ջանք ու եռանդ չի խնայվում, որ սերիալը լինի դիտարժան, յուրահատուկ եւ գեղեցիկ: Նկարահանումները բավական ժամանակ են խլում, բայց հասցնում եմ ամեն ինչ անել՝ թե՛ մյուս աշխատանքներս, թե՛ կին եւ մայրիկ լինելու պարտականություններս»:
Տեքստը՝ Արեւիկ Իսաջանյանի /Bravo.am/
Լուսանկարները՝ Անահիտ Կիրակոսյանի արխիվից
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: