HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Ազատության փողոցից ոստիկանները, բռնություն գործադրելով, բերման ենթարկեցին ցուցարարների (տեսանյութ)

Արաբկիր վարչական շրջանի Ազատության փողոցից ոստիկանները, բռնություն գործադրելով, մասնավորապես՝ հարվածելով ցուցարարներին, բերման ենթարկեցին նրանց: Ցուցարարներին ոստիկանական բաժանմունք բերման էին ենթարկում «1»-ին համարի ավտոբուսով:

Ոստիկանները, ցուցարարներից ոմանց գետնին քարշ տալով, բարձրացնում էին եւ բռնի ուժ կիրառելով` բերման ենթարկում նրանց:

Ոստիկանությունը տեղում հավաքված ցուցարարներին զգուշացրեցին, որ բոլոր ցուցարարները, ովքեր կշարունակեն գտնվել Ազատության փողոցում, կենթարկվեն պատասխանատվության, սակայն այդպես էլ նրանք տարածքից չհեռացան:

Ազատության պողոտայում ոստիկաններին հրահանգում էին անհատապես բերման ենթարկել ցուցարարներին, սակայն վերջիններս կարողանում էին փախչել և մայթերում կանգնած՝ վարորդներին կոչ անում միանալ իրենց պայքարին:

Հիշեցնենք, որ ապրիլի 17-ին Ազգային ժողովում Սերժ Սարգսյանի վարչապետ ընտրվելուց հետո «Իմ քայլը» շարժման նախաձեռնող, ԱԺ «Ելք» խմբակցության անդամ, «Քաղաքացիական պայմանագիր» կուսակցության վարչության անդամ Նիկոլ Փաշինյանը հայտարարեց թավշյա հեղափոխության մասին, որը պետք է իրականացվի ցանցային եղանակով` ցուցարարները ամեն օր ժամանակավորապես «գրավելու» են կառավարական շենքեր` այդտեղ աշխատողներին կոչ անելով միանալ շարժմանը, ժամանակավորապես խափանելու են մայրաքաղաքի կենտրոնական փողոցների երթևեկությունը, իսկ երեկոյան հանրահավաք են անելու Հանրապետության հրապարակում: 

Այսօր Երեւանում քաղաքացիական անհնազանդության գործողությունների 8-րդ օրն է: 

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter