HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գյուղատնտեսության նախարարն ընդունել է պտուղ-բանջարեղեն վերամշակող ընկերությունների ներկայացուցիչներին

Գյուղատնտեսության նախարար Արթուր Խաչատրյանը հրավիրել էր խորհրդակցություն, որին Հայաստանի պահածոյագործների և հյութ արտադրողների միության նախագահ Երվանդ Թարվերդյանը, «Չորացված մթերք արտադրողների ասոցիացիա» ՀԿ-ի նախագահ Սանդրո Աբովյանը, շուրջ 30 պտուղ-բանջարեղեն վերամշակող ընկերություններ, այլ պատասխանատուներ։

Նախարարության մամուլի ծառայութոյւնը հայտնում, որ հանդիպման հիմնական նպատակը պտուղ-բանջարեղենի մթերումների նախափուլին ընդառաջ ընթացիկ հարցերի քննարկումն  է և վերամշակողների կողմից առաջարկների ներկայացումը, մթերումների գործընթացի կազմակերպմանն ու արտահանումների խթանմանը։

Վերամշակող ընկերությունների ներկայացուցիչները դրական են գնահատել նախորդ տարի մեկնարկած ագրովերամշակման ոլորտին տրամադրվող վարկերի տոկոսադրույքների սուբսիդավորման ծրագիրը՝ միաժամանակ առաջ քաշելով ընթացակարգերի պարզեցման հարցը։

Հանդիպման մասնակիցները շեշտադրել են հարկային օրենսդրության հետ կապված մի շարք հարցեր, մասնավորապես հումքի մթերման ընթացքում փաստաթղթավորման պահանջների վերաբերյալ։
գյուղատնտեսության նախարարը հորդորել է վերամշակողներին գրավոր առաջարկ ներկայացնել նախարարություն՝ հստակ հիմնավորումներով, որը կքննարկվի շահագրգիռ գերատեսչությունների՝ Ֆինանսների նախարարության և Պետական եկամուտների կոմիտեի հետ,  և անհրաժեշտության դեպքում կհրավիրվ https://webmail.minagro.am/cpsess4895257113/3rdparty/roundcube/?_task=mail&_action=compose&_id=1082148455b17703d7468b#ի առանձին հանդիպում բոլոր կողմերի մասնակցությամբ։

Բարձրացվել են նաև բանջարեղենի տեղական սորտերի սերմերի արտադրության ծավալների ավելացման, հավասար մրցակցային դաշտի ապահովման,  ինչպես նաև վարկավորման ընթացքում առաջացող  մի շարք  հարցեր։ Առաջարկ է հնչել նաև գյուղատնտեսական պորտալ ստեղծելու մասին, որը տեղեկատվության օպերատիվ փոխանակման հարթակ կհանդիսանա ֆերմերների և վերամշակողների համար՝ նպաստելով բերքի իրացման գործընթացի առավել արդյունավետ և թիրախային կազմակերպմանը։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter