Ռուսաստանի նախագահ Վլադիմիր Պուտինը բանակցություններ է վարել Ֆրանսիայի նախագահ Էմանուել Մակրոնի հետ:
Պուտինը Մակրոնին եւ նրա կնոջը՝ Բրիջիտ Մակրոնին ընդունել է Կոնստանտինովյան պալատում: Հանդիպման սկզբում նա Բրիջիտ Մակրոնին ծաղիկներ է նվիրել:
Նախագահի պաշտոնում ընտրվելուց հետո աա Մակրոնի առաջին այցն է Ռուսաստան: Նրա պատվիրակության կազմում են Ֆրանսիայի մշակույթի նախարար Ֆրանսուազա Նիսսենը, արտաքին գործերի նախարար Ժան-Իվ Լե Դրիանը, Ռուսաստանի հարցերով Ֆրանսիայի նախագահի հատուկ ներկայացուցիչ Ժան-Պյեր Շեվենմանը, գրում է «Իզվեստիան»:
Ավելի վաղ Կրեմլի մամլո քարտուղար Դմիտրի Պեսկովը հայտարարել էր, որ բացի պաշտոնական բանակցություններից եւ նեղ շրջանակում շփումից, երկու պետությունների ղեկավարները պետք է մասնակցեն գործնական ճաշի: Բացի այդ նախատեսվում է համատեղ փաստաթղթեր ստորագրել:
