Թուրքիան՝ ԵՄ-ին․ Սբ Սոֆիան մեր սեփականությունն է, ոչ ոք չի կարող խառնվել մեր գործերին14 հուլիսի 2020 - 14:06 AMT PanARMENIAN.Net - Ստամբուլում գտնվող Սուրբ Սոֆիան Թուրքիայի սեփականությունն է, և ոչ ոք չի կարող խառնվել երկրի ինքնիշխան իրավական գործերին, հայտարարել է երկրի արտաքին գործերի նախարարության պաշտոնական ներկայացուցիչ Համի Աքսոյին՝ արձագանքելով ԵՄ քննադատությանը՝ կապված տաճարի կարգավիճակը թանգարանից մզկիթի վերածելու որոշման հետ, փոխանցում է ՏԱՍՍ-ը։ Ավելի վաղ Եվրամիության բարձրագույն ներկայացուցիչ Ժոզեֆ Բորելը կոչ է արել անհապաղ վերանայել Սբ Սոֆիայի տաճարը մզկիթի վերածելու Թուրքիայի կառավարության որոշումը՝ նշելով, որ ԵԽ-ն դատապարտում է այն։ Բորելը հավելել է նաև, որ ԵՄ ատրգործնախարարները համակարծիք են և աջակցում են տաճարը մզկիթի վերածելու որոշումը չեղարկելու իրենց կոչին։ «Սբ Սոֆիան Թուրքիայի սեփականությունն է, որի հետ կապված ցանկացած նախագիծ, ներառյալ նրա կարգավիճակը փոխելը, բացառապես Թուրքիայի իրավասության տիրույթում է: Ոչ ոք չի կարող խառնվել մեր ինքնիշխան իրավական գործերին»,- ասվում է տարածված տեքստում: Աքսոյը նաև հավաստիացրել է, որ նոր կարգավիճակի շնորհիվ մզկիթը բաց կլինի բոլոր կրոնների ներկայացուցիչ հանդիսացող այցելուների համար և նշել, որ «Սբ Սոֆիայի ներսում աշխատանքը չի խոչընդոտելու Համաշխարհային մշակութային ժառանգության ցանկում դրա պահպանմանը»։ Ավելի վաղ Թուրքիայի կառավարության որոշումը քննադատել է նաև ՅՈՒՆԵՍԿՕ-ն։ Թուրքիայի նախագահ Ռեջեփ Թայիփ Էրդողանը հուլիսի 10-ին ստորագրել է երկրի Գերագույն խորհրդի կայացրած որոշումը՝ Սբ Սոֆիա տաճարը թանգարանից մզկիթի վերածելու։ Տաճարն ուներ թանգարանի կարգավիճակ, որը ստացել էր 1934-ին։ Նախկինում Թուրքիան նույնպես փորձել է քրիստոնեական տաճարն իսլամական սրբատեղի դարձնել։ Դեռ 2005-ին այն ձախողվել էր Թուրքիայի Պետական խորհրդի որոշմամբ։ Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |