ԵՐԵՎԱՆ, 24 մայիսի./Նովոստի–Արմենիա/. Ֆուտբոլի Հայաստանի գավաթը հասել է Սյունիքի մարզ, հայտնում է «Նովոստի–Արմենիա» գործակալությունում ստացված մամուլի հաղորդագրությունում։
Ինչպես ավելի վաղ հայտնի դարձավ, Երևանի Վազգեն Սարգսյանի անվան «Հանրապետական» մարզադաշտում անցկացված Հայաստանի ֆուտբոլի գավաթի խաղարկության եզրափակիչ հանդիպմանը «Գանձասար-Կապանը» հաղթանակ տանելով «Ալաշկերտի» նկատմամբ՝ իր պատմության մեջ առաջին անգամ դառնալով ֆուտբոլի Հայաստանի գավաթակիր:
Սյունիքի թիմն իր երկրպագուների ու սյունեցիների հետ նվաճած հաղթանակը կիսելու համար շրջագայություններ է իրականացրել մարզի համայնքներում, հանդիպել երկրպագուների հետ, կիսվել խաղից ստացած տպավորություններով:
«Սիսիան, Գորիս, Մեղրի, Քաջարան և Կապան համայնքներում «Գանձասար-Կապան» ֆուտբոլային ակումբի մարզիկներին ու մարզչական կազմին սյունեցիները ընդունել են մեծ խանդավառությամբ»,– ասվում է հաղորդագրության մեջ։
Ֆուտբոլիստների պատվին մարզի բոլոր համայնքներում տոնական միջոցառումներ անցկացվեցին:
Տոնակատարություններին ներկա էր նաև ՀՀ Սյունիքի մարզպետ Վահե Հակոբյանը:
Մարզում Գավաթի պաշտոնական ներկայացմանը Սյունիքի մարզպետ Վահե Հակոբյանը շնորհակալություն է հայտնել մարզիկներին, մարզիչներին, ակումբի ղեկավարությանն ու երկրպագուներին և նշել, որ ձեռք բերած հաղթանակը համատեղ ջանքերի ու բոլոր սյունեցիների աջակցության արդյունքն է:
Загружается новость ...
"Право"
Սյունիքի մարզպետն ակնառու մարզական հաջողության, Հայաստանի ֆուտբոլի խաղարկությունում տարած հաղթանակի գործում ներդրած ավանդի համար Գարեգին Նժդեհի հուշամեդալով է պարգևատրել «Գանձասար-Կապան» ֆուտբոլային ակումբի գործադիր տնօրեն Գառնիկ Աղաբաբյանին, ակումբի գլխավոր մարզիչ Աշոտ Բարսեղյանին, դարպասապահ Գևորգ Կասպարովին և նվերներ հանձնել մի շարք մարզիչների ու մարզիկների:
Հաղորդագրությունում նշվում է, որ առաջիկայում «Գանձասար-Կապան» ֆուտբոլային ակումբը պատրաստվում է մասնակցել Եվրոլիգայի որակավորման փուլի խաղերին: