Աննորմալ է մեկ ստեղծագործական կազմի մեջ ներմուծել մեկ ուրիշը. ԿԳՄՍՆ-ն թատրոնների միավորման նախագիծ է մշակում

ՀՀ կրթության, գիտության, մշակույթի եւ սպորտի նախարարությունը մշակում է նախագիծ, ըստ որի՝ նախատեսվում է Պետական կամերային երաժշտական թատրոնը միավորել Հակոբ Պարոնյանի անվան երաժշտական կոմեդիայի պետական թատրոնին: Ըստ այդ ծրագրի՝ Կամերայինի շենքն էլ տրամադրվելու է Հայաստանի սիմֆոնիկ նվագախմբին՝ այդպիսով լուծելով այդ երաժշտական կոլեկտիվի շենքի հարցը:

Այս լուրը շատ ցավագին են ընդունել Կամերային երաժշտական թատրոնի 60 աշխատակիցները: Երեկվանից նրանք արդեն տարբեր լրատվամիջոցներով իրենց բողոքի ձայնն են բարձրացնում: Արտիստները կողմ են, որ Հայաստանի լավագույն նվագախմբերից մեկն իր տանիքն ունենա, բայց չեն հասկանում, թե ինչու դա պիտի լինի իրենց թատրոնի լուծարման հաշվին:

Չնայած թատրոնների միավորման վերաբերյալ խոսակցությունները կարող են հաստատվել միայն ՀՀ կառավարության որոշումից հետո, բայց արտիստները չեն կարող անտեսել այն փաստը, որ ՀՀ ԿԳՄՍՆ-ում արդեն մշակվում է նախագիծ:

Նրանց կարծիքով՝ երկու թատրոնի միավորման նախաձեռնությունը սխալ է, քանի որ երկու տարբեր դերասանական կազմի միավորումը անթույլատրելի է եւ պրոֆեսիոնալ մոտեցում չէ: Ըստ թատրոնի արտիստների՝ 32 տարվա կենսագրություն ունեցող Կամերային թատրոնն ունի կայուն խաղացանկ, լավ ցուցանիշներ, այդ թվում՝ ֆինանսական առումով, ինչը պարզվում է՝ լուրջ փաստարկ չէ՝ թատրոնն իր տեղում թողնելու համար։

Երեւանի Պետական կամերային երաժշտական թատրոնի տնօրենի պաշտոնակատար Արամ Թորոսյանն էլ «Հայկական ժամանակի» հետ զրույցում հայտնեց, որ սպասվելիք փոփոխությունների մասին դեռեւս միայն բանավոր է տեղեկացել: Հուլիսի սկզբին ՀՀ ԿԳՄՍ նախարարի տեղակալ Արա Խզմալյանն է այդ մասին ասել:

Փոխնախարարն ասել է, որ դեռ միայն մշակվում է նախագիծը, եւ ինքը չի ցանկանում, որ այդ մասին պատահաբար իմացվի:

«Նախարարությունում էինք, տարբեր ՊՈԱԿ-ների տնօրենների հետ միասին մասնակցում էինք ընդհանուր դաշտի վերաբերյալ քննարկման: Այդ ժամանակ մեզ իրազեկվել է, որ կա նման որոշում՝ միավորելու թատրոնները՝ պետության որոշակի կարիքներից ելնելով եւ լուծելու որոշ կոլեկտիվների խնդիրներ»,- ասաց Արամ Թորոսյանը:

Ըստ նրա՝ ՀՀ ԿԳՄՍ նախարարի տեղակալ Արա Խզմալյանը վստահեցրել է, որ գործընթացը որեւէ ստվերային ձեւով չի լինելու: Խզմալյանը միավորվող թատրոնների ղեկավարներին խնդրել է տեղեկացնել նաեւ իրենց կոլեկտիվներին: «Ներկայացրել եմ մեր թատրոնի կոլեկտիվին, նրանց դիրքորոշումը բացասական է եղել, որից հետո հանդիպել ենք փոխնախարարի հետ, քննարկում ենք ունեցել, սակայն ես ուրբաթ օրը գրավոր դիմել եմ նախարարություն, խնդրել պարզաբանել եւ մանրամասն ներկայացնել, թե այդ գործընթացն ինչպես է լինելու: Դեռ սպասում եմ պատասխանի»,- ասաց թատրոնի տնօրենի պաշտոնակատարը:

Նախատեսվող փոփոխությունների մասին իր բացասական դիրքորոշումն է արտահայտել նաեւ Թատերական գործիչների միության նախագահ Հակոբ Ղազանչյանը, որը նաեւ Պարոնյան թատրոնի գեղարվեստական ղեկավարն է:

Նա «Հայկական ժամանակի» հետ զրույցում ասաց, որ առաջին հերթին մտահոգիչ է թատերական միավորի վերացման հարցը: Միավորման դեպքում դառնում է 1 թատրոն, այն է՝ Պարոնյան թատրոն: «Ես անձամբ դեմ եմ նման փոփոխմանը, ես դա էքսպերիմենտ եմ համարում: Չգիտեմ, թե ինչ քանակի դերասանական կազմ է գալու, միանա մեր կոլեկտվին: Ովքե՞ր են այդ մարդիկ, մեծամասնությանը չեմ ճանաչում: Աննորմալ է մեկ ստեղծագործական կազմի մեջ ներմուծել մեկ այլ ստեղծագործական կազմ»,- ասաց նա:

Հակոբ Ղազանչյանը նաեւ նկատեց՝ եթե թատրոնի աշխատանքից դժգոհ են համապատասխան վերադաս մարմինները, ապա թող այդ ուղղությամբ ձեռնարկեն համապատասխան քայլեր: «Թատրոն փակել, վերացնելը սխալ ճանապարհ է: Առայժմ հույս եմ տածում, որ այս հարցը կլուծվի՝ հօգուտ Կամերային թատրոնի պահպանման»,- նկատեց նա:

Թատերական գործիչների միության նախագահը նաեւ շեշտեց՝ չի պատկերացնում, թե ինչպե՞ս է տեղավորվելու սիմֆոնիկի հսկայական նվագախումբը:

Հայաստանի պետական սիմֆոնիկ նվագախմբի տնօրեն Սարգիս Բալբաբյանն էլ, արձագանքելով քննարկումներին, լրատվամիջոցներին հայտնել է՝ ցանկալի չէ, որ իրենց շենքի հարցի լուծումը տեղի ունենա ի վնաս որեւէ այլ կոլեկտիվի, ինչի մասին իրենք մշտապես հայտնել են քննարկումների ժամանակ: Հայաստանի պետական սիմֆոնիկ նվագախումբը, չնայած վերջին 15 տարիների ընթացքում արձանագրած հաջողություններին, չունի ո՛չ մշտական գրասենյակ, ո՛չ էլ փորձատեղ, եւ այս խնդիրների լուծման նպատակով բազմիցս դիմել է պետական գերատեսչություններին՝ ներկայացնելով համապատասխան տեխնիկական բնութագրերը:

ՊՈԱԿ-ների հետ կապված սպասվելիք փոփոխությունների եւ առհասարակ թատրոնների միավորման վերաբերյալ կոլեկտիվների բացասական արձագանքի մասին «Հայկական ժամանակը» փորձեց մեկնաբանություն ստանալ ՀՀ ԿԳՄՍՆ-ից: Նախարարի մամուլի խոսնակ Գեղամ Մելիքբեկյանն ասաց, որ շուտով հայտարարություն կտարածեն:

Ավելի ուշ ՀՀ ԿԳՄՍՆ-ն հայտարարություն տարածեց, որտեղ նախարարի տեղակալ Արա Խզմալյանը ներկայացրել է Հ․ Պարոնյանի անվան երաժշտական կոմեդիայի եւ Պետական կամերային երաժշտական թատրոնները միավորելու գլխավոր դրդապատճառները:

«Կամերային երաժշտական թատրոնն իր հիմնական առաքելությամբ եւ կանոնադրական խնդիրներով համահունչ է այն առաքելությանը և խնդիրներին, որ ունի Հ․ Պարոնյանի անվան երաժշտական կոմեդիայի թատրոնը։ Ըստ փոխնախարարի՝ միավորմամբ շատ ավելի լավ պայմաններ կստեղծվեն ստեղծագործական կազմի համար. «Երաժշտական թատրոնը չունի նվագախումբ, երգչախումբ, պարային խումբ, և մենք ասում ենք՝ եկեք, Պարոնյան թատրոնի պրոֆեսիոնալ խմբերի ռեսուրսն օգտագործեք»:

Փոխնախարարն ընդգծել է, որ ստեղծված իրավիճակում կար նաև թատրոնը կազմալուծելու վտանգ, բայց հնարավորություն է ստեղծվել պահպանելու ամենակարևորը՝ ստեղծագործական կազմը և վերջինիս աշխատանքը:

«Ստեղծագործական խմբին առաջարկել ենք ֆինանսական աջակցություն։ Եթե հյուրախաղերի են ուզում մեկնել, կարող են դրանք անցկացնել մարզերում, ինչպես նաև նոր բեմադրություն իրականացնելու հնարավորություն ունեն։ Ստեղծված իրավիճակում հնարավոր ամեն ինչ առաջարկվել է»,- ասել է Արա Խզմալյանը:

Այսօր բազմաթիվ պետական կոլեկտիվներ, այդ թվում՝ Հայաստանի պետական սիմֆոնիկ նվագախումբը, սեփական հարկի բացակայության պատճառով փորձեր եւ ստեղծագործական աշխատանք իրականացնում են անբարենպաստ պայմաններում. սա ևս թատրոնների միավորման պատճառներից մեկն է: Նույն խնդիրն ունեն նաև պետական երգչախմբերն ու երգի-պարի համույթները:

Պետության ռեսուրսները չեն բավարարելու՝ առաջիկա տարիներին նոր համերգասրահ կառուցելու և այդպիսով Սիմֆոնիկ նվագախմբի, պարային համույթների հարցը լուծելու համար: Փոխնախարարը վստահեցնում է՝ Հ․ Պարոնյանի անվան եւ Պետական կամերային երաժշտական թատրոնների միավորումը ռեսուրսների ամենաարդյունավետ օգտագործման ճանապարհն է և ոչ թե բյուջեի կրճատման հարցի լուծում: Պրոֆեսիոնալ գործունեության համար ստեղծվում են ավելի լավ պայմաններ. «Վստահ եմ, որ սա չի վնասում, այլ օգուտ է բերում ստեղծագործական խմբին»:

Փոխնախարարը հավաստիացրել է՝ այս դեպքը չի նշանակում, որ մասսայաբար պետք է թատրոններ փակվեն. այդպիսի օրակարգ Կառավարությունը չունի:

Հ. Պարոնյանի անվան երաժշտական կոմեդիայի պետական և Պետական կամերային երաժշտական թատրոնները միավորելու որոշման նախագիծը մշակման փուլում է, և գործընթացը կիրականացվի միայն Կառավարության որոշումից հետո: Որոշումն ընդունվելուց հետո Պետական կամերային երաժշտական թատրոնի շենքը կտրամադրվի սիմֆոնիկ նվագախմբին:

Միևնույն ժամանակ, աշխատանքներ են տարվելու մշակութային կազմակերպությունների կանոնադրական խնդիրները լիարժեք իրականացնելու և գեղարվեստական նոր ձևերի և որոնողական-փորձարարական գործընթացները խթանելու նպատակով պետական գույքային հնարավորություններն առավելագույնս արդյունավետ օգտագործելու ուղղությամբ»:

Տպել
2617 դիտում

Իրականացվել է ոչ պատշաճ հետազոտութուն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա