Այսօր՝ հունիսի 13-ին, ԱԺ-ում Կառավարություն-Ազգային ժողով հարցուպատասխանի ժամանակ «Ծառուկյան» խմբակցության պատգամավոր Լուիզա Սահակյանի հարցն առնչվում էր Շիրակի պետհամալսարանում ստեղծված իրավիճակին:
Նրա խոսքով՝ ՇՊՀ ռեկտորի պաշտոնակատարը չի վերականգնում Հովհաննես Խորիկյանին և Գագիկ Համբարյանին իրենց պաշտոնում:
Ի պատասխան՝ ԿԳ նախարար Արայիկ Հարությունյանն ասաց, որ ինքն անմիջապես մեկնելու է Գյումրի՝ հանդիպելու հակամարտող կողմերի հետ և փորձելու գտնել լուծման կոմպրոմիսային տարբերակ. «ԿԳՆ-ի լիազորության մեջ չի մտնում այդ անձանց վերականգնումը իրենց պաշտոնում»:
Նախարարի խոսքով՝ որոշ մարդիկ առաջնորդվում են ոչ թե ՇՊՀ-ի շահերով, այլ իրենց անձնական շահերով. «Եթե ՇՊՀ-ի մեր գործընկերները չհանգեն որոշակի լուծումների, ապա պետք է այլ տեղ գտնել այդ լուծումները»:
Մանրամասները՝ տեսանյութում: