Մոսկվայում տեղի ունեցած ՃՏՊ–ի հետևանքով զոհերի և տուժածների թվում ՀՀ քաղաքացիներ չկան

ԵՐԵՎԱՆ, 25 դեկտեմբերի. /Նովոստի–Արմենիա/. Ռուսաստանի իրավապահ մարմիններից ստացած նախնական տեղեկատվության համաձայն, Մոսկվայում տեղի ունեցած ՃՏՊ–ի հետևանքով զոհերի և վիրավորների թվում Հայաստանի քաղաքացիներ չկան։ Այդ մասին ասվում է դեսպանության Facebook–ի էջում։

Մոսկվայում` Սլավյանսկի բուլվար մետրոյի կայարանում, ավտոբուսը ճանապարհից դուրս է եկել մայթ ու մտել գետնանցում։


Ներկայում պարզվում է զոհվածների ինքնությունը։

Ռուսական ԶԼՄ–ների հաղորդմամբ, դիտարկվում է երկու վարկած` կամ ավտոբուսի «դիմացը կտրել է» մեկ այլ մեքենա, կամ էլ արգելակումն է խափանվել։ Նշվում է, որ ՃՏՊ-ի հետևանքով մահացել է 4, տուժել` 15 մարդ: -0-