23-ամյա Քենդալ Ջեներն Instagram-ի իր էջում ընտանեկան նոր լուսանկար է հրապարակել։ Լուսանկարում Քարդաշյան-Ջեներ ընտանիքը կարծես ողջ կազմով է։
Աստղային ընտանիքը նշել է Սուրբ Զատիկն ու ընտանեկան ավանդական լուսանկար արել։ Կադրում Քիմ Քարդաշյանն է Քանյե Ուեսթի եւ երեք երեխաների հետ, Քորթնի Քարդաշյանը՝ երկու զավակի հետ, Քլոե Քարդաշյանն էլ Թրուի հետ է, իսկ Քայլի Ջեները ընկերոջ՝ ռեփեր Թրեւիս Սքոթի ու դստեր՝ Սթորմիի հետ է։ Քրիս Ջեններն էլ իր երիտասարդ ընկերոջ՝ Քորրի Գեմբելի հետ նստած է բազմոցին։
Ուշադիր երկրպագուները երևի նկատեցին, որ լուսանկարում բացակայում են Ռոբ Քարդաշյանն ու նրա դուստրը, Քորթնիի նախկին ամուսինը՝ Սքոթը, եւ նրանց դուստրը՝ Պենելոպեն։
Քենդալը մեկ այլ՝ պոլիէթիլենային տոպրակը գլխին քաշած աղջկա լուսանկար է տեղադրել։ Լուսանկարին կից գրված է․ «Հղիությունն օդում է. ես»։ Մոդելն ամենայն հավանականությամբ նկատի է ունեցել, որ ինքը դեռ միայնակ է, և չի հասցրել ժառանգ լույս աշխարհ բերել։
