Պարենային ապրանքների գնային ինդեքսը հունվարին աճել է

Տարին դրական սկսվեց սննդամթերքի համաշխարհային գների համար`ՊԳԿ պարենային ապրանքների գնային ինդեքսը 2019թ.-ի հունվարին նախորդ ամսվա համեմատ գրանցեց 1.8 տոկոս աճ՝ կազմելով միջինը 164,8 կետ: Ըստ ՄԱԿ-ի գործակալության տվյալների, աճը պայմանավորված է կաթնամթերքի գների կտրուկ վերելքով և արմավելու ու սոյայի յուղերի գների կայունացմամբ: Գնային ինդեքսը, որը պարենային ապրանքների որոշակի զամբյուղի միջազգային գների ամսական փոփոխության չափման միջոց է, 2.2 տոկոսով ցածր էր 2018թ.-ի հունվարի մակարդակից: ՊԳԿ hացահատիկային մշակաբույսերի գնային ինդեքսը հունվարին եղել է միջինը 168.1 կետ, ինչը բավականին բարձր է դեկտեմբերի ցուցանիշի համեմատ: Հիմնական հատիկավորների գները մեծամասամբ կայուն են եղել` չնայած արտահանման ծավալների կրճատմանը և համաշխարհային պահանջարկի բարձր մակարդակին: ՊԳԿ բուսական յուղերի գնային ինդեքսը նախորդ ամսվա համեմատ աճել է 4.3 տոկոսով, ինչը հետևանք է արմավենու յուղի գնի բարձրացման՝ հիմնական արտադրող երկրներում սեզոնային արտադրության անկման պատճառով: Սոյայի միջազգային գները նույնպես բարձրացել են՝ Հարավային Ամերիկայի երկրներից ներկրման պահանջարկի ավելացման ֆոնի վրա: ՊԳԿ կաթնամթերքի գնային ինդեքսը դեկտեմբերի համեմատ աճել է 7.2 տոկոսով` էապես փոխելով յոթ ամիսների գնային անկման միտումը: Այս աճի հիմնական գործոնը արտահանման սահմանափակ քանակներն են` Եվրոպայում առկա ներքին մեծ պահանջարկի, ինչպես նաև առաջիկա ամիսներին Օկեանիայից արտահանման առաջարկի ակնկալվող սեզոնային անկման պատճառով: ՊԳԿ շաքարավազի գնային ինդեքսը աճել է 1.3 տոկոսով, ինչը հիմնականում պայմանավորված է ԱՄՆ դոլարի նկատմամբ Բրազիլիայի արժույթի (բրազիլական ռեալ) արժևորմամբ, որը աշխարհում շաքարավազի ամենամեծ արտահանողն է: ՊԳԿ մսամթերքի գնային ինդեքսը գրեթե չի փոխվել դեկտեմբեր ամսվա համեմատ: Հունվարի արժեքը հաշվարկվել է, որ Ամերիկայի Միացյալ Նահանգներում մսի գինը ենթադրաբար կայուն է եղել, քանի որ պաշտոնական տվյալները հասանելի չեն եղել կառավարության գործունեության ժամանակավո դադարեցման (shutdown-ի) պատճառով: Այլ երկրներում, տավարի, խոզի և թռչնի մսի միջազգային գնառաջարկը կայուն է եղել, մինչդեռ ոչխարի մսի գինը նվազել է՝ Օվկիանիայից լայնածավալ արտահանման շնորհիվ: Հացահատիկային մշակաբույսերի արտադրության ՊԳԿ-ի կանխատեսվող ծավալների մասին կարող եք կարդալ [url=http://www.fao.org/worldfoodsituation/csdb/ru/?utm_source=pressrelease&utm_medium=email&utm_campaign=fao]այստեղ[/url]: [b]ՄԱԿ-ի Պարենի և գյուղատնտեսության կազմակերպություն[/b]