Համացանցում հայտնվել են Apple-ի նոր գաջեթների բնութագրերը եւ գները, որոնց շնորհանդեսը պետք է անցկացվի սեպտեմբերի 12-ին:
Սմարթֆոնները ներկայացված են երկու պրեմիում iPhone XS մոդելներով եւ մատչելի iPhone XC մոդելով: IPhone XS-ի մոդելները ստացել են OLED էկրաններ`5.8 եւ 6.5 դյույմ անկյունագծով, միաբյուրեղ A12 համակարգ, 4 Գբ օպերատիվ հիշողություն եւ 64 ԳԲ, 256 ԳԲ կամ 512 ԳԲ ֆլեշ հիշողություն, գրում է IXBT-ը:
Նրանց կորպուսը ապակյա է, պողպատե շրջանակներով, երեք գույներով է ներկայացվելու, ունի կրկնակի տեսախցիկ, Face ID գործառույթի հնարավորություն: Դրանց գինը մեկնարկում է 899 եւ 999-ից դոլարից համապատասխանաբար:
LCD-էկրանով 6.1 անկյունագծով փոքր մոդելը կկոչվի iPhone XC: Սմարթֆոնը կստանա ալյումինե շրջանակ, մեկ միասնական տեսախցիկ, Face ID, հինգ գունավոր տարբերակ, SoC A12, 3 ԳԲ օպերատիվ հիշողություն եւ 64 Գբ կամ 256 ԳԲ ֆլեշ հիշողություն: Գինը սկսվում է 749 դոլարից:
iPad Pro-ն 11 եւ 12.9 դյույմ անկյունագծով նույնպես կարող է բարակ շրջանակներով հպարտանալ: Այլ հատկանիշների թվում են SoC A12X, Face ID: Գինը կպահպանվի ներկայիս մոդելների մակարդակում`649 եւ 749 դոլար:
Վերջապես Apple Watch Series 4 խելացի ժամացույցը 15 տոկոսով ավելի մեծ էկրան է ստացել, բարակ շրջանակներ եւ ներկայիս մոդելների մակարդակի գներ: