Լիտվայի ՌՕՈՒ ռազմատրանսպորտային օդանավը, որի մեջ էր երկրի պաշտպանության նախարար Ռայմունդաս Կարոբլիսի գլխավորած պատվիրակությունը, ստիպված էր թռիչքն ընդհատել միջանկյալ օդանավակայանում հայտնաբերված անսարքության պատճառով: Վկայակոչեելով ազգային ռադիոյին՝ ՏԱՍՍ-ը հայտնում է, որ տուժածներ չկան:
«Spartan ռազմատրանսպորտային օդանավը չի կարողացել թռիչքը շարունակել, երբ Սիցիլիայում Կատանյա քաղաքի օդանավակայանում ձախ անիվների երեսապատման թերություն եւ դուրս թռած գամեր են հայտնաբերվել»,- հստակեցրել է ռադիոկայանը: Օդանավը օդ չի բարձրացել մինչեւ թերությունները չեն վերացվել: Պատվիրակությունը, որի կազմում 21 մարդ կար, Մալիից Լիտվա էր վերադառնում, որտեղ հանդիպել էին Մալիիում կայունության հաստատման ՄԱԿ Բազմապրոֆիլ համալիր առաքելության կազմում գործող լիտվական զորակազմի եւ առաքելության ղեկավարության հետ:
Լիտվա վերադառնալու համար պատվիրակության անդամներն օգտվել են չվերթային օդանավերից, երկրի պաշտպանության նախարարը մեկնել է Սոֆիա ԵՄ երկրների պաշտպանության նախարարների հանդիպմանը մասնակցելու համար: